୧୯୮୧ରେ ବିହାରର ସହର୍ସା ନିକଟରେ ୯୦୦ ଯାତ୍ରୀଙ୍କୁ ନେଇ ଯାଉଥିବା ଏକ ଟ୍ରେନ୍ ଦୁର୍ଘଟଣାଗ୍ରସ୍ତ ହୋଇ ବାଘମତି ନଦୀକୁ ଖସିପଡ଼ିଥିଲା। ଏଥିରେ ୫୦୦ ଜଣଙ୍କର ମୃତ୍ୟୁ ଘଟିଥିଲା।
୧୯୯୫ରେ ଦିଲ୍ଲୀ ଅଭିମୁଖେ ଯାତ୍ରା କରୁଥିବା ପୁରୁଷୋତ୍ତମ ଏକ୍ସପ୍ରେସ୍ ଉତ୍ତର ପ୍ରଦେଶର ଫିରୋଜାବାଦ ନିକଟରେ କାଳିନ୍ଦୀ ଏକ୍ସପ୍ରେସ୍ ସହ ଧକ୍କା ହୋଇଥିଲା। ଏହି ଦୁର୍ଘଟଣାରେ ୩୫୮ ଯାତ୍ରୀ ପ୍ରାଣ ହରାଇଥିଲେ।
୧୯୯୯ରେ ୨,୫୦୦ରୁ ଊର୍ଦ୍ଧ୍ୱ ଯାତ୍ରୀଙ୍କୁ ନେଇ ଯାଉଥିବା ଦୁଇଟି ଟ୍ରେନ୍ ଆସାମର ଗାଇସଲ ନିକଟରେ ପରସ୍ପର ସହ ଧକ୍କାହେବାରୁ ଅନୂ୍ୟନ ୨୯୦ ଜଣଙ୍କର ମୃତ୍ୟୁ ଘଟିଥିଲା।
୧୯୯୮ରେ କୋଲକାତା ଯାଉଥିବା ଜମ୍ମୁ ତାଓ୍ବି-ସିଆଲଦା ଏକ୍ସପ୍ରେସ୍ ପଞ୍ଜାବର ଖାନ୍ନା ନିକଟରେ ଦୁର୍ଘଟଣାଗ୍ରସ୍ତ ହୋଇଥିଲା। ଏଥିରେ ୨୧୨ ଯାତ୍ରୀଙ୍କ ମୃତ୍ୟୁ ଘଟିଥିଲା।
୨୦୦୨ରେ ହାଓଡା-ନୂଆଦିଲ୍ଲୀ ରାଜଧାନୀ ଏକ୍ସପ୍ରେସ୍ ଗୟା ଓ ରଫିଗଞ୍ଜ ଷ୍ଟେଶନ ମଧ୍ୟରେ ଲାଇନ୍ଚ୍ୟୁତ ହୋଇଥିଲା। ଏହି ଦୁର୍ଘଟଣାରେ ୧୪୦ ଯାତ୍ରୀଙ୍କ ଜୀବନ ଯାଇଥିଲା।
୨୦୧୦ରେ ମୁମ୍ବାଇ-ହାଓଡା କୁର୍ଲା ଲୋକମାନ୍ୟ ତିଲକ ଜ୍ଞାନେଶ୍ୱରୀ ସୁପରଫାଷ୍ଟ ଡିଲକ୍ସ ଏକ୍ସପ୍ରେସ୍ ପଶ୍ଚିମବଙ୍ଗର ମେଦିନୀପୁର ନିକଟ ଖେମାଶୁଲି ଓ ସରଡିହ ମଝିରେ ଲାଇନ୍ଚ୍ୟୁତ ହେବା ପରେ ଅନ୍ୟ ଏକ ଟ୍ରେନ୍ ସହ ଧକ୍କା ହୋଇଥିଲା। ଏଥିରେ ୧୭୦ ଯାତ୍ରୀ ପ୍ରାଣ ହରାଇଥିଲେ।
୨୦୧୬ ନଭେମ୍ବର ୨୦ରେ ଇନ୍ଦୋର-ପାଟନା ଏକ୍ସପ୍ରେସ୍ ୧୯୩୨୧ କାନପୁର ନିକଟ କୁଖରାୟନ୍ରେ ଦୁର୍ଘଟଣାଗ୍ରସ୍ତ ହେବାରୁ ୧୫୦ ଜଣଙ୍କ ମୃତ୍ୟୁ ଘଟିଥିଲା। ଅନ୍ୟ ୧୫୦ ଯାତ୍ରୀ ଆହତ ହୋଇଥିଲେ।
୨୦୦୫ ଅକ୍ଟୋବର ୨୯ରେ ବନ୍ୟା ଯୋଗୁ ଆନ୍ଧ୍ରପ୍ରଦେଶର ଭାଲିଗୋଣ୍ଡାରେ ଏକ ଛୋଟ ରେଳ ବ୍ରିଜ୍ ଭୁଶୁଡ଼ିପଡ଼ିଥିଲା। ଡେଲ୍ଟା ସୁପରଫାଷ୍ଟ ପାସେଞ୍ଜର ଟ୍ରେନ୍ ସେହି ପଥ ଦେଇ ଯାଉଥିବାବେଳେ ଦୁର୍ଘଟଣାଗ୍ରସ୍ତ ହୋଇଥିଲା। ଏଥିରେ ୧୧୪ ଜଣଙ୍କ ମୃତ୍ୟୁ ଘଟିଥିବାବେଳେ ୨୦୦ ଯାତ୍ରୀ ଆହତ ହୋଇଥିଲେ।
୨୦୧୦ ଜୁଲାଇ ୧୯ରେ ଉତ୍ତର ବଙ୍ଗ ଏକ୍ସପ୍ରେସ୍ ଏବଂ ବନାଞ୍ଚଳ ଏକ୍ସପ୍ରେସ୍ ପଶ୍ଚିମବଙ୍ଗର ସାଇନ୍ଥିଆରେ ପରସ୍ପରକୁ ଧକ୍କାଦେବାରୁ ୬୩ ଜଣଙ୍କ ମୃତ୍ୟୁ ଘଟିଥିଲା। ଅନ୍ୟ ୧୬୫ ଯାତ୍ରୀ ଆହତ ହୋଇଥିଲେ।
୨୦୧୨ ମେ’ ୨୨ରେ ହୁବୁଲି-ବାଙ୍ଗାଲୋର ଏକ୍ସପ୍ରେସ୍ ଆନ୍ଧ୍ରପ୍ରଦେଶରେ ଏକ ମାଲବାହୀ ଟ୍ରେନ୍କୁ ଧକ୍କାଦେବାରୁ ସେଥିରେ ନିଅଁା ଲାଗିଯାଇଥିଲା। ଏହି ଦୁର୍ଘଟଣାରେ ୨୫ ଯାତ୍ରୀଙ୍କ ମୃତ୍ୟୁ ଘଟିଥିବାବେଳେ ୪୩ ଆହତ ହୋଇଥିଲେ।