ସାଉଥ ସିନେମାର ସୁପରଷ୍ଟାର ପ୍ରଭାସଙ୍କ ଅଭିନୀତ ବହୁପ୍ରତୀକ୍ଷିତ ଫିଲ୍ମ ‘ଆଦିପୁରୁଷ’ ରିଲିଜକୁ ପ୍ରଶଂସକମାନେ ଉତ୍ସାହର ସହିତ ଅପେକ୍ଷା କରିଛନ୍ତି। ପ୍ରଶଂସକଙ୍କ ଅପେକ୍ଷା ଅନ୍ତଃ ହୋଇଛି। ନିର୍ମାତା ‘ଆଦିପୁରୁଷ’ର ନୂତନ ରିଲିଜ ତାରିଖ ଘୋଷଣା କରିଛନ୍ତି। ଏହି ଫିଲ୍ମଟି ଚଳିତ ବର୍ଷ ଜୁନ ୧୬ରେ ରିଲିଜ୍ ହେବ।
ପ୍ରଡକ୍ସନ ହାଉସ ଟି-ସିରିଜର ଅଫିସିଆଲ ଟୁଇଟର୍ ଆକାଉଣ୍ଟରେ ଏକ ଫଟୋ ପୋଷ୍ଟ କରାଯାଇଛି। ଫଟୋରେ ଭୂଷଣ କୁମାରଙ୍କ ସହ ‘ଆଦିପୁରୁଷ’ର ନିର୍ଦ୍ଦେଶକ ଓମ ରାଉତ ନଜର ଆସିଛନ୍ତି। ଏହି ଫଟୋ ସହିତ ଫିଲ୍ମର ରିଲିଜ ତାରିଖ ଦିଆଯାଇଛି। କୁହାଯାଇଛି ଯେ, ଏହି ଫିଲ୍ମଟି ଜୁନ ୧୬, ୨୦୨୩ରେ ୩ଡି ଫର୍ମାଟରେ ପ୍ରେକ୍ଷାଳୟକୁ ଆସିବ।
‘ଆଦିପୁରୁଷ’ ପ୍ରଥମେ ଅଗଷ୍ଟ ୧୧, ୨୦୨୨ରେ ମୁକ୍ତିଲାଭ କରିବାର ଥିଲା। ପରେ ଜାନୁଆରୀ ୨୦୨୩ ରିଲିଜ୍ ହେବ ବୋଲି କୁହାଯାଇଥିଲା। କିନ୍ତୁ ଫିଲ୍ମଟି ରିଲିଜ୍ ହୋଇପାରି ନ ଥିଲା। କିଛି ଦିନ ପୂର୍ବରୁ ଫିଲ୍ମର ଟିଜର ମୁକ୍ତିଲାଭ କରିଥିଲା। ଟିଜରକୁ ସୋସିଆଲ ମିଡିଆରେ ଟ୍ରୋଲ କରାଯାଇଥିଲା।
‘ଆଦିପୁରୁଷ’ ଫିଲ୍ମରେ ପ୍ରଭାସ ପ୍ରଭୁ ରାମଙ୍କ ଭୂମିକାରେ ନଜର ଆସିବେ। ସୈଫ ଅଲି ଖାନ ରାବଣ ଭୂମିକାରେ ନଜର ଆସିବେ। ସନ୍ନି ସିଂ ଲକ୍ଷ୍ମଣ ଭୂମିକାରେ ଅଭିନୟ କରିଛନ୍ତି ଏବଂ କ୍ରିତି ସାନନ ସୀତା ଭୂମିକାରେ ଅଭିନୟ କରିଛନ୍ତି।
*To a Mangalkaari Shurwaat!*
Seeking divine blessings at Vaishno Devi 🙏#Adipurush releases IN THEATRES on June 16, 2023 in 3D.#Adipurush #Prabhas @omraut #SaifAliKhan @kritisanon @mesunnysingh #BhushanKumar #KrishanKumar @vfxwaala @rajeshnair06 #ShivChanana pic.twitter.com/V0d3j3boL1— T-Series (@TSeries) March 28, 2023
