ମୁମ୍ବାଇ: ବଲିଉଡ୍ ଅଭିନେତ୍ରୀ ତଥା ଫିଟ୍ନେସ୍ କୁଇନ୍ ମଲାଇକା ଆରୋରା କିଛି ନା କିଛି କାରଣ ପାଇଁ ଅନେକ ସମୟରେ ଆସିଯାଆନ୍ତି ଚର୍ଚ୍ଚାକୁ । ସୋସିଆଲ ମିଡିଆରେ ଆକ୍ଟିଭ ଥିବା ଏହି ନାୟିକା କେବେ କେବେ ଫଟୋ ତ ପୁଣି କେବେ ଭିଡିଓ ଶେୟାର କରି ପ୍ରଶଂସକଙ୍କ ନିକଟତର ହେଉଥିବା ବେଳ ପୁଣି କେବେ ଟ୍ରୋଲର ଶିକାର ବି ହୋଇ ଯାଆନ୍ତି । ନିକଟରେ ଜିମ ୱେୟାରରେ ଜଣେ ଟ୍ରାଫିକ ପୋଲିସଙ୍କ ସହ ଫଟୋ ଉଠାଇ ପୁଣି ଥରେ ଟ୍ରୋଲ୍ ହୋଇଛନ୍ତି ଏହ ଅଭିନେତ୍ରୀ । ନିକଟରେ ସେ ତାଙ୍କ ସୋସାଇଟି ବାହାରକୁ ଆସିବା ବେଳକୁ ଫଟୋ ଉଠାଇବାକୁ ଅପେକ୍ଷା ରଖିଥିବା କେତେଜଣ ପାପାରାଜି ବନ୍ଧୁ ମଲାଇକାଙ୍କୁ ପୋଜ ଦେବାକୁ କହିଥିଲେ । ଅବଶ୍ୟ ଏମାନଙ୍କୁ କେବେ ନିରାଶ କରୁ ନ ଥିବା ମଲାଇକା ପୋଜ ବି ଦେଇଥିଲେ । ସେହି ସମୟରେ ସେଠାରେ ଥିବା ଜଣେ ଟ୍ରାଫିକ ପୋଲିସଙ୍କ ସହ ତାଙ୍କୁ ପୋଜ ଦେବାକୁ ଅନୁରୋଧ କରିଥିଲେ ପାପାରାଜି । ଆଉ ଏଥିରେ ସେ ରାଜି ବି ହୋଇ ଯାଇଥିଲେ । ଏବେ ଏହାର ଏକ ଭିଡିଓ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି । ଯାହାକୁ ନେଇ ମଲାଇକା ଟ୍ରୋଲର ଶିକାର ହୋଇ ଯାଇଛନ୍ତି । ଅନେକେ ପ୍ରଶ୍ନ କରିଛନ୍ତି ଜିମ୍ ୱେୟାରରେ ସେ କିପରି ଜଣେ ଟ୍ରାଫିକ ପୋଲିସ କର୍ମୀଙ୍କ ସହ ଫଟୋ ଉଠାଇଲେ । ମଲାଇକା ଏହା ପୂର୍ବରୁ ମଧ୍ୟ ଟ୍ରୋଲର ଶିକାର ହୋଇଥିବା ବେଳେ ସେ ଏହାକୁ ଅଣଦେଖା କରିବା ଭଳି ମନେ ହୁଏ । ଯାହା ବି ହେଉ ୪୭ ବର୍ଷରେ ପହଞ୍ଚିଥିଲେ ମଧ୍ୟ ଆଜିବି ଏହି ଅଭିନେତ୍ରୀ ନ୍ୟୁ କମରଙ୍କୁ ଟକ୍କର ଦେଇଥାଆନ୍ତି । ନିଜକୁ ଫିଟ୍ ରଖିବା ପାଇଁ ସେ ଅନେକ ସମୟରେ ଯୋଗ ଅବା ଜିମ୍ ୱାର୍କ ଆଉଟର ଭିଡିଓ ଶେୟାର କରି ପ୍ରଶଂସକଙ୍କ ମନୋବଳ ବଢାଇ ଥାଆନ୍ତି ।