ବଲିଉଡ଼୍ ଅଭିନେତା ଅର୍ଜୁନ କପୁର ଏବଂ ପ୍ରସିଦ୍ଧ ନୃତ୍ୟଶିଳ୍ପୀ ମଲାଇକା ଆରୋରାଙ୍କ ବ୍ରେକଅପ୍ ଖବର ଆସିବା ପରେ ସେମାନେ ଚର୍ଚ୍ଚାର ବିଷୟ ପାଲଟିଛନ୍ତି। ଏହି ଖବର ପରେ ତାଙ୍କ ଅନେକ ପ୍ରଶଂସକଙ୍କ ମନ ଖରାପ ହୋଇଥିଲା। ମାତ୍ର ଇନଷ୍ଟାଗ୍ରାମରେ ଅର୍ଜୁନ ମଲାଇକାଙ୍କ ସହ ନିଜର ଏକ ଫଟୋ ଶେୟାର କରି ଏହି ସବୁ ଗୁଜବକୁ ସମ୍ପୂର୍ଣ୍ଣ ବନ୍ଦ କରିଥିଲେ। ଫଟୋରେ ଉଭୟ ଲଞ୍ଚ ପାଇଁ ବାହାରକୁ ଯାଉଥିବା ବେଳେ ଷ୍ଟାଇଲିସ ପୋଷାକରେ ନଜର ଆସିଥିଲେ।
କେତେକ ରିପୋର୍ଟରେ ଦାବି କରାଯାଇଥିଲା ଯେ ମଲାଇକା ଏବଂ ଅର୍ଜୁନଙ୍କ ବ୍ରେକ୍ଅପ୍ ହୋଇଛି । କିନ୍ତୁ ସେହି ଦିନ ଅର୍ଜୁନ ଇନଷ୍ଟାଗ୍ରାମରେ ଏକ ପୋଷ୍ଟ ଶେୟାର କରି ସମସ୍ତ ଗୁଜବକୁ ଶେଷ କରିଥିଲେ। ସେ ଲୋକମାନଙ୍କୁ ଉପଯୁକ୍ତ ଉତ୍ତର ଦେଇଥିଲେ।
ବର୍ତ୍ତମାନ ମଲାଇକା ତାଙ୍କ ଇନଷ୍ଟାଗ୍ରାମ ଷ୍ଟୋରୀରେ ଉଭୟଙ୍କ ଫଟୋ ମଧ୍ୟ ଶେୟାର କରିଛନ୍ତି । କ୍ୟାପଶନ୍ରେ ସେ ଲେଖିଛନ୍ତି, ‘ପ୍ରକୃତରେ ଯଦି ତୁମକୁ ୪୦ ବର୍ଷ ବୟସରେ ପ୍ରେମ ମିଳୁଛି , ତେବେ ଏହି ଜିନିଷକୁ ସାଧାରଣ ଭାବ । ୩୦ ବର୍ଷ ବୟସରେ, ନୂତନ ସ୍ବପ୍ନ ଦେଖିବା ଏବଂ ନୂତନ ଜିନିଷକୁ ଚାହିଁ ମଧ୍ୟ ନୂଆ ନ ଭାବିବା। ତୁମେ ତୁମର ଜୀବନର ଉଦ୍ଦେଶ୍ୟ ୫୦ ବର୍ଷ ବୟସରେ ଖୋଜି ପାରିବ, ୨୫ ବର୍ଷ ବୟସରେ ଜୀବନ ସମାପ୍ତ ହୁଏ ନାହିଁ।ଏହିପରି ଅଭିନୟ ବନ୍ଦ କର ଏବଂ ଜୀବନରେ ତୁମର ଚିନ୍ତାଧାରାକୁ ପରିବର୍ତ୍ତନ କର’।
