ଅଭିନେତ୍ରୀ ପ୍ରିୟଙ୍କା ଚୋପ୍ରା ଜୋନାସ ଝିଅର ନାମ ପିସି ଝିଅର ନାମ ରଖିଛନ୍ତି ମାଳତି ମାରୀ ଚୋପ୍ରା ଜୋନାସ। ଆମେରିକାର ଏଣ୍ଟରଟେନ ନ୍ୟୁଜ ଚ୍ୟାନେଲ ଟିଏମ୍ଜେଡ ପିସିଙ୍କ ଝିଅଙ୍କ ଜନ୍ମ ପ୍ରମାଣପତ୍ର ପ୍ରକାଶ କରିଛି। ସାନ ଡିଏଗୋରେ ଥିବା ଏକ ଡାକ୍ତରଖାନାରେ ଜାନୁଆରୀ ୧୫ ତାରିଖ ରାତି ୮ଟା ସମୟରେ ପ୍ରିୟଙ୍କାଙ୍କ ଝିଅ ଜନ୍ମ ହୋଇଥିଲେ। ପ୍ରିୟଙ୍କା ସରୋଗେସି ମାଧ୍ୟମରେ ମା’ ହୋଇଛନ୍ତି। ଶିଶୁ କନ୍ୟାର ଅଭିଭାବକ ହେବା ନେଇ ଚଳିତ ବର୍ଷ ଜାନୁୟାରୀରେ ପ୍ରିୟଙ୍କା ଏବଂ ନିକ ସୋସିଆଲ ମିଡିଆ ପୋଷ୍ଟ ଦ୍ୱାରା ଫ୍ୟାନ୍ସମାନଙ୍କୁ ଜଣାଇଥିଲେ।୨୦୧୮ ଡିସେମ୍ବରରେ ରାଜସ୍ଥାନ ଯୋଧପୁରରେ ପ୍ରିୟଙ୍କା ଆମେରିକାନ ସିଙ୍ଗର ନିକ୍ଙ୍କୁ ବିବାହ କରିଥିଲେ।
ବର୍ତ୍ତମାନ ପିସି ହଲିଉଡ୍ରେ ବେଶ ଆକ୍ଟିଭ। ଫିଲ୍ମରେ ଅଭିନୟ କରିବା ସାଙ୍ଗକୁ ଇଂଲିଶ ଫିଲ୍ମ ପ୍ରଯୋଜନା ମଧ୍ୟ ପ୍ରିୟଙ୍କା କରୁଛନ୍ତି। ଆଗାମୀ ଦିନରେ ପ୍ରିୟଙ୍କାଙ୍କ ଦ୍ୱାରା ଅଭିନୀତ ଫିଲ୍ମ ରୋମ କମ ରିଲିଜ ହେବାକୁ ରହିଛି। ସେହିପରି ହିନ୍ଦୀ ଫିଲ୍ମ ‘ଜି ଲେ ଜରା’ରେ ମଧ୍ୟ ପ୍ରିୟଙ୍କାଙ୍କୁ ଦେଖିବାକୁ ମିଳିବ। ଏଥିରେ ତାଙ୍କ ସହ କ୍ୟାଟ୍ରିନା କୈଫ ଏବଂ ଆଲିଆ ଭଟ୍ଟ ସ୍କ୍ରିନ ଶେୟାର କରିଛନ୍ତି।