ମୁମ୍ବାଇ ବସ୍ତିରେ ରହୁଥିବା ଝିଅ ମଲିଶା ଖାରଓ୍ବା ଏବେ ଖୁବ୍ ଚର୍ଚ୍ଚାରେ। ତାଙ୍କ ଇନ୍ଷ୍ଟାଗ୍ରାମ୍ରେ ଫଲୋଅର୍ସଙ୍କ ତାଲିକା ମଧ୍ୟ କ୍ରମାଗତ ଭାବେ ବଢ଼ିଚାଲିଛି। ଏହାର କାରଣ ହେଉଛନ୍ତି ହଲିଉଡ୍ ଅଭିନେତା ରବର୍ଟ ହୋଫମ୍ୟାନ୍। ପ୍ରକୃତ କଥା ହେଲା, ଗତ ଫେବୃୟାରୀରେ ରବର୍ଟ ନିଜର ଏକ ମ୍ୟୁଜିକ ଭିଡିଓ ପାଇଁ ଭାରତ ଆସିଥିଲେ। ଏହି ଅବସରରେ ତାଙ୍କର ମଲିଶାଙ୍କ ସହ ସାକ୍ଷାତ ହୋଇଥିଲା। ମଲିସା ଜଣେ ମଡେଲ ହେବାକୁ ଚାହୁଁଥିବା ରବର୍ଟଙ୍କୁ କହିଥିଲେ। ଏହାପରେ ରବର୍ଟ ଏଥିରେ ତାଙ୍କୁ ସହଯୋଗ କରୁଛନ୍ତି। ଏହା ପରଠାରୁ ରବର୍ଟ ଏବଂ ମଲିଶାଙ୍କ ଅନେକ ଫଟୋ ଏବଂ ଭିଡିଓ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି। ଏକ ଭିଡିଓରେ ମଲିଶା ରବର୍ଟଙ୍କୁ ହିନ୍ଦୀ ଶିଖାଉଥିବା ଦେଖିବାକୁ ମିଳୁଛି।
