ମାଲକାନଗିରି, ୯।୧: ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ମଙ୍ଗଳବାର ମାଲକାନଗିରି ବିମାନ ବନ୍ଦର ଲୋକାର୍ପଣ କରିଛନ୍ତି । ଏହାଦ୍ୱାରା ମାଲକାନଗିରି ସ୍ୱାଭିମାନ ଅଞ୍ଚଳକୁ ଆକାଶପଥରେ ସଂଯୋଗ କରିବ। ୭୦ କୋଟି ଟଙ୍କା ବ୍ୟୟରେ ୨୩୩ ଏକର ଅଞ୍ଚଳରେ ପରିବ୍ୟାପ୍ତ ଏହି ବିମାନ ବନ୍ଦରର ଉନ୍ନତିକରଣ କରାଯାଇଛି । ଏହା ପୂର୍ବରୁ ଗତ ରବିବାର ବିମାନ ବନ୍ଦରରେ ସଫଳତାର ସହ ପରୀକ୍ଷା ମୂଳକ ଭାବେ ବିମାନ ଉଡ଼ାଣ କରାଯାଇଥିଲା । ଉଦଘାଟନ ଅବସରରେ ମୁଖ୍ୟମନ୍ତ୍ରୀଙ୍କ ସହିତ ୫-ଟି, ନବୀନ ଓଡ଼ିଶା ଅଧ୍ୟକ୍ଷ କାର୍ତ୍ତିକ ପାଣ୍ଡିଆନ ଉପସ୍ଥିତ ରହିଥିଲେ।
ଉଦଘାଟନ ପୂର୍ବରୁ ସେଥିପାଇଁ ଜିଲାପାଳ ବିଶାଳ ସିଂ, ଏସ୍ପି ନୀତେଶ ୱାଧାନୀ ଓ ଜିଲାସ୍ତରୀୟ ଅଧିକାରୀ ବିମାନବନ୍ଦରରେ ପହଞ୍ଚି ସମସ୍ତ କାର୍ଯ୍ୟ ତଦାରଖ କରିଥିଲେ। ସୋମବାର ଅପରାହ୍ନରେ ସ୍ବତନ୍ତ୍ର ହେଲିକପ୍ଟର ଯୋଗେ ବାଣିଜ୍ୟ ଓ ପରିବହନ ମନ୍ତ୍ରୀ ଟୁକୁନି ସାହୁ, ରାଜ୍ୟ ବିଜେଡି ସାଂଗଠନିକ ସମ୍ପାଦକ ପ୍ରଣବ ପ୍ରକାଶ ଦାସ, ଏମ୍ପି ରମେଶ ଚନ୍ଦ୍ର ମାଝି ଓ ଚିତ୍ରକୋଣ୍ଡା ବିଧାୟକ ପୂର୍ଣ୍ଣିଚନ୍ଦ୍ର ବାକା ପ୍ରମୁଖ ବିମାନବନ୍ଦର ପରିଦର୍ଶନ କରି ସ୍ଥିତି ଅନୁଧ୍ୟାନ କରିଥିଲେ। ପ୍ରଥମଥର ଲାଗି ମାଲକାନଗିରି ଜିଲା ବିମାନସେବାରେ ଯୋଡିହେବ। ମୁଖ୍ୟମନ୍ତ୍ରୀଙ୍କ ଗସ୍ତକୁ ନେଇ ସମଗ୍ର ବିମାନବନ୍ଦର ଚତୁଃପାଶ୍ୱର୍ର୍ରେ ପୋଲିସ ଛାଉଣି ହେବା ସହିତ ସୁରକ୍ଷା ବ୍ୟବସ୍ଥାକୁ କଡାକଡି କରାଯାଇଥିଲା।