କୋରୁକୋଣ୍ଡା,୯।୮(ଡି.ଏନ୍.ଏ.): ରାଜ୍ୟରେ ଜାରି ରହିଛି ଲଘୁଚାପ ବର୍ଷା। ଏହାର ପ୍ରଭାବରେ ମାଲକାନଗିରି ଜିଲା କାଙ୍ଗୁରକୋଣ୍ଡା ପୋଲ ଉପରେ ୪ଫୁଟ୍ର ବନ୍ୟା ପାଣି ପ୍ରବାହିତ ହେଉଛି l ଏହି ବନ୍ୟା ପାଣି ଯୋଗୁ ଉଭୟ କୂଳରେ ଶତାଧିକ ଗାଡି ଅଟକି ରହିଛି। ସେହିପରି ମାଲକାନଗିରିଠୁ ମୋଟୁ ୩୨୬ନମ୍ବର ଜାତୀୟ ରାଜପଥ ଯାତାୟାତ ବନ୍ଦ ହୋଇଯାଇଛି l ଏଥି ସହ ସୁକୁମା ନଦୀ ପୋଲ ଉପରେ ବନ୍ୟା ପାଣି ପ୍ରବାହିତ ହେଉଥିବାରୁ ମାଲକାନଗିରି ଓ ଛତିଶଗଡ଼କୁ ଯୋଗାଯୋଗ ମଧ୍ୟ ବିଚ୍ଛିନ୍ନ ହୋଇଯାଇଛି । ଯଦି ଏପରି ବର୍ଷା ଲାଗି ରହେ ତେବେ ଅନେକ ତଳୁଆ ଅଞ୍ଚଳ ଗୁଡିକ ବୁଡିଯିବାର ସମ୍ଭାବନା ରହିଛି ।