ବମ୍ବେ: ବଲିଉଡ୍ର ବୋଲ୍ଡ ଅଭିନେତ୍ରୀ ମଲ୍ଲିକା ଶେରାଓ୍ବତ ଏବେ ଲାଇମଲାଇଟ୍ ଦୂରରେ। କେବଳ ସୋସିଆଲ ମିଡିଆ ଜରିଆରେ ସେ ପ୍ରଶଂସକଙ୍କ ସହ ଯୋଡ଼ି ହୋଇ ରହିଛନ୍ତି। ହେଲେ ଦିନ ଥିଲା ମଲ୍ଲିକାଙ୍କ ନାଁ ଶୁଣିବା ମାତ୍ରେ ଫ୍ୟାନ୍ମାନଙ୍କ ହୃଦ୍ସ୍ପନ୍ଦନ ବଢ଼ିଯାଉଥିଲା। ତାଙ୍କ ଫିଲ୍ମ ଆସିବା କଥା ଶୁଣିବା ପରଠାରୁ ରିଲିଜ୍ ହେବାର ଦିନ ଗଣୁଥିଲେ ପ୍ରଶଂସକ।
ମଲ୍ଲିକା ଫିଲ୍ମ ‘ଡାର୍ଟି ପଲିଟିକ୍ସ’ରେ ଅନୋଖି ଦେବୀ ଭୂମିକାରେ ନଜର ଆସିଥିଲେ। ଫିଲ୍ମରେ ଲିଡ୍ ରୋଲ୍ରେ ଥିଲେ ଓମ୍ ପୁରୀ। ତାଙ୍କ ସହ ମଲ୍ଲିକାଙ୍କ ବହୁତ ଇଣ୍ଟିମେଣ୍ଟ ସିନ୍ ଦେଖିବାକୁ ମିଳିଥିଲା। ହେଲେ ଆପଣ ଜାଣି ଚକିତ ହେବେ ମଲିକା ଓମ୍ ପୁରୀଙ୍କ ସହ ଅନ୍ୟ ଏକ ଫିଲ୍ମରେ ଆଇଟମ୍ ନମ୍ବର କରିବାକୁ ମନା କରିଥିଲେ। କେବଳ ତାଙ୍କ ସହ ନୁହେଁ ଗୁଲସନ ଗ୍ରୋଭର, ରାଜପାଲ ଯାଦବଙ୍କ ସହ ମଧ୍ୟ ଶୁଟିଂ କରିବାକୁ ମନା କରିଥିଲେ।
ମଲ୍ଲିକାଙ୍କୁ ଫିଲ୍ମ ‘ବିନ୍ ବୁଲାଏ ବାରାତି’ରେ ଆଇଟମ୍ ନମ୍ବର ଶୁଟିଂ କରିବାକୁ ଅଫର ମିଳିଥିଲା। ଏଥିରେ ଗୁଲସନ, ରାଜପାଲ, ମୁକେଶ ତିଓ୍ବାରୀ ଓ ଜନି ଲିଭର ମଧ୍ୟ ଥିଲେ। ସେମାନେ ନ ନାଚି ମଲ୍ଲିକାଙ୍କୁ କେବଳ ଦେଖିବେ ବୋଲି ନିଶ୍ଚିତ ହୋଇଥିଲା। ହେଲେ ମଲ୍ଲିକା ଏକୁଟିଆ ଏହାକୁ ଶୁଟିଂ କରିବେ ବାଲି ସଫାସଫା କହି ଦେଇଥିଲେ।
ସମସ୍ତ ଅଭିନେତା ମଲ୍ଲିକାଙ୍କ ସହ ଆଇଟମ୍ ନମ୍ବର ଶୁଟିଂ କରିବେ ବୋଲି ଭାବି ସେଟ୍ରେ ପହଞ୍ଚିଥିଲେ। ସେଠାରେ ପହଞ୍ଚିବା ପରେ ସବୁକିଛି ଓଲଟା ହୋଇଥିଲା। ମଲ୍ଲିକା ଏକୁଟିଆ ଶୁଟିଂ କରିଥିବା ଜଣାପଡ଼ିଥିଲା। ଶେଷରେ ଏହି ଗୀତକୁ ମଲ୍ଲିକା ଏବଂ ଅଭିନେତାମାନେ ଅଲଗା ଅଲଗା ଶୁଟିଂ କରିଥିଲେ। ପରେ ଏହାକୁ ଯୋଡ଼ା ଯାଇଥିଲା।