ବମ୍ବେ: ବଲିଉଡ୍ ଅଭିନେତ୍ରୀ ମଲ୍ଲିକା ଶେରାଓ୍ବତଙ୍କୁ ପରିଚୟ ଦେଇଥିଲା ୨୦୦୪ରେ ରିଲିଜ ହୋଇଥିବା ଚଳଚ୍ଚିତ୍ର ‘ମର୍ଡର’। ଅଭିନେତା ଇମ୍ରାନ ହାସମୀଙ୍କ ସହ ଫିଲ୍ମରେ ଅନେକ ବୋଲ୍ଡ ସିନ୍ ଦେଇଥିଲେ ସେ। ଇତି ମଧ୍ୟରେ ଏହାକୁ ୧୭ ବର୍ଷ ବିତିଛି। ଏବେ ମଲ୍ଲିକା ଫିଲ୍ମରେ ବୋଲ୍ଡ ଦୃଶ୍ୟକୁ ନେଇ ପ୍ରତିକ୍ରିୟା ରଖିଛନ୍ତି।
ଏକ ସାକ୍ଷାତକାରରେ ମଲ୍ଲିକା କହିଛନ୍ତି ଫିଲ୍ମରେ ବୋଲ୍ଡ ସିନ୍ କରିବା ପରେ ଲୋକମାନେ ତାଙ୍କର ନୈତିକ ଭାବେ ହତ୍ୟା କରିଦେଇଥିଲେ। ସବୁଆଡେ ମୋତେ ଖରାପ ଦୃଷ୍ଟିରେ ଦେଖାଯାଇଥିଲା। ବର୍ତ୍ତମାନ ସମୟକୁ ଦେଖିଲେ ମୁଁ ଯାହା କରିଥିଲି ତାହା ଏବେ ସାଧାରଣ ଘଟଣା ପାଲଟିଲାଣି। ଏବେ ଚଳଚ୍ଚିତ୍ର ଦେଖିବାକୁ ନେଇ ଲୋକଙ୍କ ଚିନ୍ତାଧାରା ବଦଳିଗଲାଣି। ସିନେମା ବି ବଦଳିଛି ବୋଲି ସେ କହିଛନ୍ତି।
ତେବେ ମର୍ଡର ସିନେମା କରିବା ପରେ ଇମ୍ରାନଙ୍କ ସହ ବିବାଦରେ ଫସିଥିଲେ ମଲ୍ଲିକା। କଫି ଉଇଥ୍ କରନ୍ ଶୋ’ରେ ମଲ୍ଲିକାଙ୍କୁ ଇମ୍ରାନ୍ ସବୁଠାରୁ ଖରାପ୍ କିସ୍ର ବୋଲି କହିଦେଇଥିଲେ। ଏହାକୁ ଜବାବ ଦେଇ ମଲ୍ଲିକା ‘ହିସ୍’ ଫିଲ୍ମରେ ସେ ଚୁମ୍ବନ ଦେଇଥିବା ସାପ ବି ଇମ୍ରାନ୍ଙ୍କଠାରୁ ଭଲ କିସ୍ର ଥିଲା ବୋଲି କହିଥିଲେ। ଏହାପରେ ଉଭୟ ଅନ୍ୟ ଫିଲ୍ମରେ କାମ କରିନାହାନ୍ତି।
