ନୂଆଦିଲ୍ଲୀ,୯ ।୨: କଂଗ୍ରେସ ଅଧ୍ୟକ୍ଷ ମଲ୍ଲିକାର୍ଜୁନ ଖର୍ଗେ ଗୁରୁବାର(୯ ଫେବୃୟାରୀ)ରେ ରାଜ୍ୟ ସଭାର ସଭାପତି, ଉପରାଷ୍ଟ୍ରପତି ଜଗଦିପ ଧନଖଡଙ୍କୁ ପ୍ରଶ୍ନ କରିଥିଲେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦଙ୍କ ଉପରେ ତାଙ୍କ ଭାଷଣର କିଛି ଅଂଶକୁ ସଂସଦର ରେକର୍ଡରୁ କାହିଁକି ହଟାଇ ଦିଆଗଲା । ସେ କହିଥିଲେ, ମୋତେ ଲାଗୁନାହିଁ ମୋ ଭାଷଣରେ କାହା ବିରୋଧରେ ଅଂସଦୀୟ ଅଥବା ଅଭିଯୋଗ ଲଗାଇବା ଭଳି କିଛି କଥା ଥିଲା..ହେଲେ କିଛି ଶବ୍ଦର ଭୁଲ ଅର୍ଥ ବାହାର କରାଗଲା…ଯଦି ଆପଣଙ୍କୁ କିଛି ସନ୍ଦେହ ଥିଲା, ତେବେ ଆପଣ ଅଲଗା ଭାବେ ପଚାରି ପାରି ଥାଆନ୍ତେ, ହେଲେ ଆପଣ କହିଲେ କିଛି ଶବ୍ଦକୁ ହଟାଇ ଦିଆଯିବା ଦରକାର ।
ମଲ୍ଲିକାର୍ଜୁନ ଖର୍ଗେ କହିଲେ ପୂର୍ବତନ ପ୍ରଧାନମନ୍ତ୍ରୀ ସ୍ୱର୍ଗତ ଅଟଳ ବିହାରୀ ବାଜପେୟୀ ସାହେବ ପୂର୍ବତନ ପ୍ରଧାନମନ୍ତ୍ରୀ ସ୍ୱର୍ଗତ ପିଭି ନରସିଂହା ରାଓ ଜିଙ୍କ ବିରୋଧରେ ଏକ ଶବ୍ଦ ବ୍ୟବହାର କରିଥିଲେ ଆଉ ସେହି ଶବ୍ଦ ଏବେବି ପୁସ୍ତକରେ ରହିଛି । ଏହାପରେ ଜଗଦିପ ଧନଖଡ କଂଗ୍ରେସ ମୁଖ୍ୟଙ୍କୁ ମନାଇବାକୁ ଚେଷ୍ଟା କରି ସଭାପତି ବିରୋଧି ନେତାଙ୍କ ଶେଷ ରକ୍ଷକ ବୋଲି କହିଥିଲେ ।
ଏହାପୂର୍ବରୁ ରାହୁଲ ଗାନ୍ଧୀଙ୍କ ଭାଷଣରୁ ବି କିଛି କଥାକୁ ହଟାଇ ଦିଆଯାଇଥିଲା । ଯାହାକୁ ନେଇ ପ୍ରଶ୍ନ ଉଠିଥିଲା । ବିରୋଧି ସରକାରଙ୍କ ଉପରେ ପାର୍ଲାମେଣ୍ଟରେ ତାଙ୍କ କଥାକୁ ‘ସେଂସର’ କରାଯାଉଥିବା ଅଭିଯୋଗ ଆଣିଥିଲେ । ରାହୁଲ ଗାନ୍ଧୀ ପାର୍ଲାମେଣ୍ଟରୁ ବାହାରକୁ ଆସି ଖବରଦାତାଙ୍କୁ କହିଥିଲେ, ମୋ ଶବ୍ଦକୁ କାହିଁକି ହଟାଇ ଦିଆଗଲା ପ୍ରଧାନମନ୍ତ୍ରୀ ଗୋଟିଏ ଦିନ ପୂର୍ବରୁ ଉଠାଯାଇଥିବା ପ୍ରଶ୍ନର ଜବାବ ଦେବାକୁ ବିଫଳ ବୋଲି ସେ କହିଥିଲେ ।