ଜଣେ ବ୍ୟକ୍ତି ଭଗବାନଙ୍କ ଉପରେ କବ୍ଜା କରିଛନ୍ତି, ରାମଲାଲାଙ୍କ ପ୍ରାଣ ପ୍ରତିଷ୍ଠା ପୂର୍ବରୁ ମୋଦିଙ୍କୁ ଟାର୍ଗେଟ୍ କଲେ ଖାର୍ଗେ
07 ନୂଆଦିଲ୍ଲୀ,୨୧।୧: ଜାନୁଆରୀ ୨୨ରେ ଅଯୋଧ୍ୟାରେ ଆୟୋଜିତ ହେବାକୁ ଥିବା ରାମଲାଲା ପ୍ରାଣ ପ୍ରତିଷ୍ଠା ସମାରୋହ ପୂର୍ବରୁ କଂଗ୍ରେସ ନେତା ମଲ୍ଲିକାର୍ଜୁନ ଖାର୍ଗେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କୁ ଟାର୍ଗେଟ କରିଛନ୍ତି। ଆସାମର ନାଗାଓଁରେ ଏକ ରାଲିରେ ସମ୍ବୋଧିତ କରି କହିଥିଲେ ଯେ, ଜଣେ ବ୍ୟକ୍ତି ସମଗ୍ର ଭଗବାନଙ୍କୁ କାବୁ କରିଛନ୍ତି। ପ୍ରଧାନମନ୍ତ୍ରୀ ମୋଦି ରାମ ମନ୍ଦିରରେ ଏବଂ ସମସ୍ତ ଗୁରୁତ୍ୱପୂର୍ଣ୍ଣ ଲୋକ ବାହାରେ ଅଛନ୍ତି। ସେ (ପିଏମ ମୋଦି) ଏକାକୀ ସବୁ କରିବାକୁ ଚାହୁଁଛନ୍ତି। ଯଦି ଆପଣ ସବୁ କିଛି ଏକୁଟିଆ କରନ୍ତି ତେବେ ଅନ୍ୟମାନଙ୍କୁ କାହିଁକି ଭୋଟ ମାଗୁଛ ବୋଲି ଖାର୍ଗେ ପ୍ରଶ୍ନ କରିଛନ୍ତି।
ଭରତ ଯୋଡୋ ନ୍ୟାୟ ଯାତ୍ରା ଉପରେ ହୋଇଥିବା ଆକ୍ରମଣ ସମ୍ପର୍କରେ ଖାର୍ଗେ କହିଛନ୍ତି, ରାହୁଲ ଗାନ୍ଧୀଙ୍କ ଗସ୍ତରେ ଭାଜପା ଲୋକମାନେ ଭୟଭୀତ ଅଛନ୍ତି। ଏହି ଲୋକମାନେ ଜୟରାମ ରମେଶଙ୍କ ଗାଡି ଉପରେ ଆକ୍ରମଣ କରୁଛନ୍ତି, କିନ୍ତୁ କଂଗ୍ରେସ କାର୍ଯ୍ୟକର୍ତ୍ତା ଭୟ କରନ୍ତି ନାହିଁ। ଯଦି ଆମେ ବ୍ରିଟିଶମାନଙ୍କୁ ଭୟ କରୁନାହୁଁ ତେବେ ଆମେ କାହିଁକି ଭାଜପାିକୁ ଭୟ କରିବୁ?