ନୂଆଦିଲ୍ଲୀ,୫।୮: ଟମାଟୋ ଠାରୁ ଆରମ୍ଭ କରି ସମସ୍ତ ପନିପରିବାର ମୂଲ୍ୟ ଏବେ ଆକାଶଛୁଆଁ ହୋଇଛି। ଏହାର ପ୍ରଭାବ ସାଧାରଣ ଲୋକଙ୍କ ଉପରେ ପଡିଛି। ଏବେ ବିରୋଧୀମାନେ ମଧ୍ୟ ଏ ନେଇ ସରକାରଙ୍କୁ ଘେରିଛନ୍ତି। ମୂଲ୍ୟ ବୃଦ୍ଧି ପ୍ରସଙ୍ଗରେ କଂଗ୍ରେସ ଅଧ୍ୟକ୍ଷ ମଲ୍ଲିକାର୍ଜୁନ ଖାର୍ଗେ ପୁଣି ଥରେ ମୋଦି ସରକାରଙ୍କୁ ଟାର୍ଗେଟ୍ କରିଛନ୍ତି। ଖାର୍ଗେ କହିଛନ୍ତି, ଦରଦାମ୍ ବୃଦ୍ଧି ଏବଂ ବେକାରୀ କ୍ରମାଗତ ଭାବେ ବୃଦ୍ଧି ପାଉଛି ଏବଂ ଭାଜପାକୁ କ୍ଷମତା ଲୋଭ ଘାରିଛି। ଜନସାଧାରଣ ଭୋଟ ଜରିଆରେ ଭାଜପାର ଫମ୍ପା ଖାଲି ସ୍ଲୋଗାନର ଜବାବ ଦେବେ। ଖାର୍ଗେ ଟୁଇଟ୍ ଯୋଗେ ଦରଦାମ୍ ବୃଦ୍ଧି ଏବଂ ମନରେଗା ବିଷୟରେ ମଧ୍ୟ ଉଲ୍ଲେଖ କରିଛନ୍ତି।
ଖାର୍ଗେ ଟୁଇଟ୍ ଯୋଗେ କହିଛନ୍ତି, ମୋଦି ସରକାରଙ୍କ ଲୁଟ ଯୋଗୁ ଦରଦାମ୍ ବୃଦ୍ଧି ଏବଂ ବେରୋଜଗାରୀ କ୍ରମାଗତ ଭାବେ ବୃଦ୍ଧି ପାଉଛି। ଗ୍ରାମଗୁଡିକରେ ବେକାରୀ ହାର ୮.୭୩% ଅଟେ। ଗ୍ରାମଗୁଡିକରେ ମନରେଗା ଚାହିଦା ସର୍ବାଧିକ, କିନ୍ତୁ କୌଣସି କାମ ନାହିଁ। ଗ୍ରାମାଞ୍ଚଳର ବେତନ ହାର ହ୍ରାସ ପାଇଛି।
ମଲ୍ଲିକାର୍ଜୁନ ଖାର୍ଗେ ଆହୁରି ମଧ୍ୟ କହିଛନ୍ତି, ନରେନ୍ଦ୍ର ମୋଦି ଜୀ, ଦେଶର ଲୋକମାନେ ଜାଣନ୍ତି ଯେ, ନିର୍ବାଚନ ପୂର୍ବରୁ ଆପଣ ଅଛେ ଦିନ୍, ଅମୃତ କାଳ ଭଳି ସ୍ଲୋଗାନ ଦେଉଛନ୍ତି, ଯାହାଦ୍ୱାରା ବିଜ୍ଞାପନ ସାହାଯ୍ୟରେ ଆପଣଙ୍କର ବିଫଳତା ଲୁଚାଯାଇପାରିବ। କିନ୍ତୁ ଏଥର ଏହା ଘଟିବ ନାହିଁ, ଜନସାଧାରଣ ସଚେତନ ହୋଇଛନ୍ତି ଏବଂ ଭାଜପା ବିରୋଧରେ ଭୋଟ ଦେଇ ତୁମର ଫାଙ୍କା ସ୍ଲୋଗାନର ଜବାବ ଦେବେ।
मोदी सरकार की लूट से महँगाई और बेरोज़गारी दोनों लगातार बढ़ रही है। पर भाजपा सत्ता के लालच में लीन है।
सब्ज़ियों के दाम आसमान छू रहे हैं।
— Mallikarjun Kharge (@kharge) July 5, 2023
