ବାରଙ୍ଗ,୪।୩(ଲିଙ୍ଗରାଜ ରାଉତ):ପ୍ରାଣୀ ଉଦ୍ୟାନ ନନ୍ଦନକାନନର ଅନ୍ୟତମ ଆକର୍ଷକ ହାତୀ ମାମାର ଠିକଣା ବଦଳିଯାଇଛି। ରବିବାର ମାମାକୁ ଚନ୍ଦକା କୁମାର ଖୁଣ୍ଟିକୁ ପଠାଯାଇଛି। ସକାଳେ ନନ୍ଦନକାନନର ମାହୁନ୍ତମାନେ ମାମାକୁ ଚନ୍ଦକା କୁମାର ଖୁଣ୍ଟିରେ ନେଇ ଛାଡ଼ି ଆସିଛନ୍ତି। କୁମାର ଖୁଣ୍ଟିଠାରେ ଆସନ୍ତା ୬ ତାରିଖରୁ ଆରମ୍ଭ ହେବାକୁ ଥିବା କୁମ୍କି ପ୍ରଶିକ୍ଷଣରେ ମାମା ପ୍ରଶିକ୍ଷଣ ନେଇ ଜଙ୍ଗଲ ଜଗିବା କାର୍ଯ୍ୟରେ ନିୟୋଜିତ ହେବ। ମା’ ଛେଉଣ୍ଡ ମାମାକୁ ୨୦୧୭ ନଭେମ୍ବର ୩ରେ ଖୋର୍ଦ୍ଧା ରାମେଶ୍ୱରରୁ ଉଦ୍ଧାର କରାଯାଇଥିଲା। ସେତେବେଳେ ସେ ୬ ମାସର ହୋଇଥିଲା।