କୋଲକାତା,୨୩ ।୧: ପଶ୍ଚିମବଙ୍ଗ ମୁଖ୍ୟମନ୍ତ୍ରୀ୍ୱମତା ବାନାର୍ଜୀ ସୋମବାର ଅଭିଯୋଗ କରିଛନ୍ତି କି ଆଣ୍ଡାମାନ ଓ ନିକୋବରରେ ଦ୍ୱିପର ନାମ ବଦଳାଇବା କେବଳ ରାଜନୈତିକ ଫାଇଦା ପାଇଁ । ମମତା ଆହୁରି ମଧ୍ୟ କେନ୍ଦ୍ର ସରକାରଙ୍କ ଉପରେ ମହାନ ସ୍ୱତନ୍ତ୍ରତା ସଂଗ୍ରାମୀଙ୍କ ଦ୍ୱାରା ପରିକଳ୍ପିତ ଯୋଜନା ଆୟୋଗକୁ ଶେଷ କରିଦେବାର ଅଭିଯୋଗ ବି କରିଛନ୍ତି । ସେ କହିଛନ୍ତି, ନେତାଜୀ ସୁଭାଷ ଚନ୍ଦ୍ର ବୋଷ ଦ୍ୱିପର ନାମ ଶହୀଦ ଓ ସ୍ୱରାଜ ଦ୍ୱିପ ରଖିଥିଲେ, ଯେତେବେଳେ ସେ ୧୯୪୩ରେ ଏସବୁ ଦ୍ୱିପ ଗସ୍ତରେ ଯାଇଥିଲେ, ହେଲେ ଏବେ ଏସବୁ ଦ୍ୱିପର ନାମ ବଦଳାଯାଉଛି ।
ମମତାଙ୍କ ଏହି ପ୍ରତିକ୍ରିୟା ପ୍ରଧାନନ୍ତ୍ରୀ ନରେନ୍ଦ୍ର ମୋଦିଙ୍କ ଦ୍ୱାରା ସୁଭାଷ ବୋଷଙ୍କ ୧୨୬ ତମ ଜୟନ୍ତି ଅବସରରେ କେନ୍ଦ୍ର ଶାସିତ ପ୍ରଦେଶର ୨୧ଟି ଦ୍ୱିପର ନାମ ପରମବୀର ଚକ୍ର ବିଜେତାଙ୍କ ନାମରେ ନାମକରଣ କରାଯିବାର କିଛି ଘଣ୍ଟା ପରେ ଆସିଛି । ବାନାର୍ଜୀ କହିଛନ୍ତି, ଆଜି କେବଳ ଲୋକପ୍ରିୟତା ପାଇଁ କେତେଜଣ ଲୋକ ଆଣ୍ଡାମାନ ଦ୍ୱିପର ନାମ ଶହୀଦ ଓ ସ୍ୱରାଜ ଦ୍ୱିପ ରଖିଥିବା ଦାବି କରିଛନ୍ତି । ହେଲେ ଏସବୁ ଦ୍ୱିପକୁ ବୋଷ ଏମିତି ନାମ ଦେଇଥିଲେ ଯେତେବେଳେ ସେ ସେଠାକାର ସେଲ୍ୟୁଲାର ଜେଲର ନିରିକ୍ଷଣ କରିବାକୁ ଯାଇଥିଲେ ।
