କୋଲକାତା,୨୨ା୮: ପଶ୍ଚିମବଙ୍ଗ ମୁଖ୍ୟମନ୍ତ୍ରୀ ମମତା ବାନାର୍ଜୀ ଗୁରୁବାର ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କୁ ଚିଠି ଲେଖି ବଳାତ୍କାର ମାମଲାରେ କଠୋର ଆଇନ କରିବାକୁ ଅପିଲ କରିଛନ୍ତି। କୋଲକାତାର ଏକ ସରକାରୀ ଡାକ୍ତରଖାନାରେ ଟ୍ରେନିଂ ଡାକ୍ତରଙ୍କ ଭୟଙ୍କର ବଳାତ୍କାର ଓ ହତ୍ୟାକୁ ନେଇ ଜନସାଧାରଣଙ୍କ କ୍ରୋଧ ବଢି ଚାଲିଥିବା ବେଳେ ମମତା ଏହି ଚିଠି ଲେଖିଛନ୍ତି।
ବଳାତ୍କାର-ହତ୍ୟା ମାମଲା ଏବଂ ଘଟଣା ଘଟିଥିବା ଆର.ଜି କର ଡାକ୍ତରଖାନାରେ ପରବର୍ତ୍ତୀ ଭଙ୍ଗାରୁଜା ଘଟଣାରେ ମମତା ବାନାର୍ଜୀଙ୍କ ନେତୃତ୍ୱାଧୀନ ସରକାର ତୀବ୍ର ସମାଲୋଚନାର ସମ୍ମୁଖୀନ ହୋଇଛନ୍ତି।
କୋଲକାତା ବଳାତ୍କାର ମାମଲାକୁ ନେଇ ସୁପ୍ରିମକୋର୍ଟ କହିଛନ୍ତି ଯେ ଡାକ୍ତରଖାନାରେ ରାଜ୍ୟ ସରକାର କିପରି ଭଙ୍ଗାରୁଜା ମାମଲାକୁ ସମ୍ଭାଳି ପାରିବେ ନାହିଁ ତାହା ବୁଝା ପଡୁନାହିଁ।
ତେବେ ମମତା ବାନାର୍ଜୀ ଆରଜି କର ହସ୍ପିଟାଲରେ ହୋଇଥିବା ଭଙ୍ଗାରୁଜା ପାଇଁ ଭାଜପା ଏବଂ ବାମପନ୍ଥୀ (ରାମ ଏବଂ ବାମ) କୁ ଦାୟୀ କରିଛନ୍ତି ଏବଂ ବଳାତ୍କାର ମାମଲାରେ ପ୍ରମାଣ ନଷ୍ଟ କରିବାକୁ ଚେଷ୍ଟା କରୁଥିବା ଦାବି କରିଛନ୍ତି।
ଗତ ସପ୍ତାହରେ ମୁଖ୍ୟମନ୍ତ୍ରୀ କୋଲକାତାରେ ଏକ ବିଶାଳ ସମାବେଶ କରି ପୀଡିତାଙ୍କୁ ନ୍ୟାୟ ପ୍ରଦାନ ଏବଂ ପୋଲିସ ସହ ଅଭିଯୁକ୍ତଙ୍କୁ ଫାଶୀ ଦଣ୍ଡ ଦେବାକୁ ଦାବି କରିଥିଲେ।