ନୂଆଦିଲ୍ଲୀ,୧୧।୭ : ପଶ୍ଚିମବଙ୍ଗରେ ପଞ୍ଚାୟତ ନିର୍ବାଚନ ବିଭିନ୍ନ ଜିଲାରେ ହିଂସା ମଧ୍ୟରେ ଶେଷ ହୋଇଛି। ହିଂସାକୁ ନେଇ ଭାଜପା ଟିଏମସି ସରକାରକୁ କଡ଼ା ସମାଲୋଚନା କରିଛି। ମୁଖ୍ୟମନ୍ତ୍ରୀ ମମତା ବାନାର୍ଜୀଙ୍କୁ ଭାଜପା ନିର୍ଦ୍ଦୟ ବୋଲି କହିଛି। ମଙ୍ଗଳବାର ଭାଜପା କହିଛି ଏହି ହିଂସା ରାଜ୍ୟ ସରକାରଙ୍କ ପ୍ରାୟୋଜିତ ଏବଂ ଏହି ସଂଘର୍ଷରେ ପ୍ରାୟ ୪୫ ଜଣଙ୍କର ମୃତ୍ୟୁ ଘଟିଛି।
ଭାଜପା ଜାତୀୟ ମୁଖପାତ୍ର ସମ୍ବିତ ପାତ୍ର ଦାବି କରିଛନ୍ତି ଶାସକ ଟିଏମସିର ଦାଦାଗିରି ରାଜନୀତି ଭୋଟ ଗଣତି ଦିନ ମଧ୍ୟ ଜାରି ରହିଛି। ଭାଜପା ଏବଂ ଅନ୍ୟ ବିରୋଧୀ ଦଳର ଏଜେଣ୍ଟଙ୍କୁ ଗଣନା କେନ୍ଦ୍ର ପରିଦର୍ଶନ କରିବାକୁ ବାରଣ କରାଯାଇଛି।
ମମତା ବାନାର୍ଜୀ ‘ମା’, ‘ମାଟି’ ଏବଂ ‘ମାନୁଷ’ ବିଷୟରେ କଥାବାର୍ତ୍ତା କରୁଥିଲେ। ଆଜି ‘ମା’ କାନ୍ଦୁଛି, ‘ମାଟି’ ରକ୍ତରେ ଭିଜି ଯାଇଛି, ଏବଂ ‘ମାନୁଷ’ କୁ ହତ୍ୟା କରାଯାଇଛି କିନ୍ତୁ ସଭିଏଁ ମୂକ ଦର୍ଶକ ହୋଇ ଏସବୁ ଦେଖୁଛନ୍ତି। ପଶ୍ଚିମବଙ୍ଗରେ ନିର୍ବାଚନୀ ହିଂସା ଏବଂ ଗଣତନ୍ତ୍ରର ହତ୍ୟାକୁ ଭାଜପା ନିନ୍ଦା କରୁଛି।
ଯଦି ଏଭଳି ଦୃଶ୍ୟ ଭାଜପା ଶାସିତ ରାଜ୍ୟରୁ ଆସୁଥାନ୍ତା ତେବେ ଚିତ୍କାର ହୋଇଥାନ୍ତା। ଏହି ସମସ୍ତ ନେତା, ଯେଉଁମାନେ ହାତ ଧରି ରାଜ୍ୟରେ ଠିଆ ହୁଅନ୍ତି, ଏହି ସବୁ ନେତାମାନେ କେଉଁଠାରେ ଅଛନ୍ତି? ଲାଲୁ ପ୍ରସାଦ ଯାଦବ କେଉଁଠାରେ, ନୀତୀଶ କୁମାର ଏବଂ ରାହୁଲ ଗାନ୍ଧୀ କେଉଁଠାରେ । ରାହୁଲ ତାଙ୍କ ପ୍ରେମ ଦୋକାନ କେଉଁଠି ଖୋଲିଛନ୍ତି? ପଶ୍ଚିମବଙ୍ଗ ପଞ୍ଚାୟତ ନିର୍ବାଚନ ହିଂସା ଉପରେ ସେମାନେ ନୀରବ ରହିଛନ୍ତି।