ନୂଆଦିଲ୍ଲୀ,୨୪।୪: ନ୍ୟୁୟର୍କ-ନୂଆଦିଲ୍ଲୀ ଆମେରିକୀୟ ଏୟାରଲାଇନ୍ସର ବିମାନରେ ଜଣେ ଭାରତୀୟ ବ୍ୟକ୍ତି ରବିବାର ସହଯାତ୍ରୀଙ୍କ ଉପରେ ପରିସ୍ରା କରି ଗିରଫ ହୋଇଛନ୍ତି। ମଦ୍ୟପାନ କରି ବ୍ୟକ୍ତି ଜଣଙ୍କ ଏଭଳି କାଣ୍ଡ କରିଥିବା ଜଣାପଡିଛି।
ଆମେରିକୀୟ ଏୟାରଲାଇନ୍ସର ବିମାନ ଏଏ ୨୯୨ରେ ଏହି ଘଟଣା ଘଟିଥିଲା। ତେବେ ବିମାନଟି ଇନ୍ଦିରା ଗାନ୍ଧୀ ଅନ୍ତର୍ଜାତୀୟ (ଆଇଜି) ବିମାନବନ୍ଦରରେ ଅବତରଣ କରିବା ପୂର୍ବରୁ ଦିଲ୍ଲୀ ବିମାନବନ୍ଦରକୁ ଏ ଘଟଣା ବିଷୟରେ ଜଣାଇଥିଲା। ପରେ ଘଟଣାରେ ସମ୍ପୃକ୍ତ ଉଭୟ ଯାତ୍ରୀଙ୍କୁ ଦିଲ୍ଲୀ ପୋଲିସକୁ ହସ୍ତାନ୍ତର କରାଯାଇଥିଲା। ଏନେଇ ପୀଡିତା ଯାତ୍ରୀ ଆନୁଷ୍ଠାନିକ ଭାବେ ପୋଲିସରେ ଅଭିଯୋଗ କରିଛନ୍ତି।