ନୂଆଦିଲ୍ଲୀ,୪।୯: ସୋସିଆଲ ମିଡିଆରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଓ ଉତ୍ତର ପ୍ରଦେଶ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥଙ୍କ ସମ୍ପର୍କରେ ଘୃଣ୍ୟ ବାର୍ତ୍ତା ପୋଷ୍ଟ କରିଥିବା ଜଣେ ଯୁବକ ଗିରଫ ହୋଇଥିବା ଜଣାପଡିଛି। ୪୨ ବର୍ଷୀୟ ଉକ୍ତ ଯୁବକ ଜଣକ ଓଡ଼ିଶାର ବୋଲି ଜଣାପଡିଛି। କଟକ ଜିଲା କୁସୁମ୍ବି ଗାଁର ଉକ୍ତ ଯୁବକଙ୍କୁ ଉତ୍ତର ପ୍ରଦେଶ ପୋଲିସର ଏକ ଟିମ୍ ଗୁରୁବାର ଗିରଫ କରିଥିବା ସୂଚନା ମିଳିଛି। ସ୍ଥାନୀୟ ପୋଲିସର ସହାୟତାରେ ଉତ୍ତର ପ୍ରଦେଶ ପୋଲିସ ଉକ୍ତ ଯୁବକଙ୍କୁ ଗିରଫ କରିଥିବା କହିଛି। ଏହାକୁ ନେଇ ସିଂଘବାଲି ପୋଲିସ ଷ୍ଟେଶନରେ ଏକ ମାମଲା ରୁଜୁ କରାଯାଇଛି।