ଦୁନିଆର ଲୋକମାନେ ଚର୍ଚ୍ଚାକୁ ଆସିବାକୁ ଏପରି କାର୍ଯ୍ୟ କରନ୍ତି ଯାହା କଳ୍ପନା ମଧ୍ୟ କରିହୁଏ ନାହିଁ। ଜଣେ ବ୍ୟକ୍ତି ଏକ ନିଆରା କୀର୍ତ୍ତିମାନ କରି ଗିନିଜ ୱାଲର୍ଡ ରେକର୍ଡ କରିଛନ୍ତି। ଏହି ବ୍ୟକ୍ତିଙ୍କ ଭିଡିଓ ବର୍ତ୍ତମାନ ସୋସିଆଲ ମିଡିଆରେ ଅଧିକ ଭାଇରାଲ ହେବାରେ ଲାଗିଛି। ବାସ୍ତବରେ, ଏହି ଭିଡିଓରେ ବ୍ୟକ୍ତି ଜଣଙ୍କ ତାଙ୍କ ମୁଣ୍ଡରେ ୩୧୯ ଓ୍ବାଇନ୍ ଗ୍ଲାସ ନେଇ ନାଚୁଛନ୍ତି। ସେ ନିଜକୁ ଏପରି ସନ୍ତୁଳିତ କରିଛନ୍ତି ଯେ ଲୋକମାନେ ଆଶ୍ଚର୍ଯ୍ୟ ହେଇଯାଇଛନ୍ତି। ଏହି ଭିଡିଓକୁ ଏ ପର୍ଯ୍ୟନ୍ତ ଚାରି ଲକ୍ଷରୁ ଅଧିକ ଲୋକ ଦେଖିଛନ୍ତି। ଏଥି ସହିତ, ୨୫ ହଜାରରୁ ଅଧିକ ଲୋକ ଏହାକୁ ପସନ୍ଦ କରିଛନ୍ତି।
ଗିନିଜ ବୁକ୍ ଏହି ଭିଡିଓ ଶେୟାର କରିଛି। ଭିଡିଓରେ ଏହା ଦେଖିବାକୁ ମିଳୁଛି ଯେ ପ୍ରଥମ ଟେବୁଲରେ ଠିଆ ହୋଇଥିବା ବ୍ୟକ୍ତି ତାଙ୍କ ମୁଣ୍ଡରେ ଗୋଟିଏ ପରେ ଗୋଟିଏ ଓ୍ବାଇନ୍ ଗ୍ଲାସ ରଖୁଛନ୍ତି। ବ୍ୟକ୍ତି ବ୍ୟକ୍ତି ଜଣଙ୍କ ନିଜର ସନ୍ତୁଳନ ନ ହରାଇ ସବୁତକ ୩୧୯ ଗ୍ଲାସକୁ ମୁଣ୍ଡ ଉପରେ ରଖି ନାଚୁଥିବା ମଧ୍ୟ ଦେଖିବାକୁ ମିଳିଛି।