ସୋସିଆଲ ମିଡିଆରେ ଏକ ମଜାଦାର ଭିଡିଓ ଭାଇରାଲ ହୋଇଛି। ଭିଡିଓରେ ଜଣେ ବ୍ୟକ୍ତି ନିଜ ବିବାହ ବାର୍ଷିକୀ ଜଙ୍ଗଲରେ ପାଳନ କରୁଥିବାବେଳେ ଏକ କୁନି ମାଙ୍କଡ ସବୁ ଭଣ୍ଡୁର କରିଦେଇଛି। ଏହି ଭିଡିଓକୁ ଆଇଏଫ୍ଏସ୍ ସୁଶାନ୍ତ ନନ୍ଦ ଶେୟାର କରିଛନ୍ତି। ଭିଡିଓରେ ବ୍ୟକ୍ତି ଜଣଙ୍କ କେକ୍ କାଟୁଥିବାବେଳେ ହଠାତ୍ ମାଙ୍କଡଟି ଆସି କେକ୍ଟିକୁ ସମ୍ପୂର୍ଣ୍ଣ ଉଠାଇ ନେଇ ଗଛ ଉପରେ ଚଢିଯାଇଥିଲା। ବ୍ୟକ୍ତି ଜଣଙ୍କ ନିରୁପାୟ ହୋଇ ମାଙ୍ଗଡକୁ ଚାହିଁ ରହିଥିଲେ। ଶେୟାର ହେବାର କିଛି ମିନିଟ୍ ମଧ୍ୟରେ ଏହା ଭାଇରାଲ ହୋଇଥିଲା। ଲୋକେ ଭିଡିଓକୁ ବେଶ୍ ପସନ୍ଦ କରି ଲାଇକ୍ ଏବଂ ରିଟୁଇଟ୍ ମଧ୍ୟ କରିଛନ୍ତି।