ସୋସିଆଲ ମିଡିଆରେ ଏକ ମାଙ୍କଡର ଭିଡିଓ ବର୍ତ୍ତମାନ ଭାଇରାଲ ହେବାରେ ଲାଗିଛି। ଯାହାକୁ ଦେଖି ଆପଣ ନ ହସି ରହି ପାରିବେ ନାହିଁ। ଆପଣ ମାଙ୍କଡ଼ଙ୍କର ଅନେକ ଦୁଷ୍ଟାମୀ ଭିଡିଓ ଦେଖିଥିବେ। ଯେଉଁଠାରେ ସେ ଲୋକଙ୍କୁ ହଇରାଣ କରୁଥିବା ଦେଖିବାକୁ ମିଳିଥାଏ। କିନ୍ତୁ ଏଥରେ ମାଙ୍କଡ଼ର ରାଗ ଦେଖିବାକୁ ମିଳୁଛି। ଜଣେ ବ୍ୟକ୍ତି ଖାଲି ହାତରେ ମାଙ୍କଡ଼ ପାଖରେ ପହଞ୍ଚୁଛନ୍ତି। ପରେ ସେ ଏହା ଦେଖି ଖୁବ୍ ଜୋରରେ ରାଗି ଯାଉଛି। ଏହି ଭିଡିଓକୁ ଆଇପିଏସ୍ ଅଧିକାରୀ ରୁପିନ ଶର୍ମା ତାଙ୍କ ଟୁଇଟର ଆକାଉଣ୍ଟରେ ଶେୟାର କରିଛନ୍ତି।
ଭିଡିଓରେ ଏହା ଦେଖିବାକୁ ମିଳୁଛି ଯେ, ବ୍ୟକ୍ତି ଜଣକ ହାତ ମୁଠାକରି ମାଙ୍କଡ ପାଖକୁ ଯାଆନ୍ତି। ମାଙ୍କଡ଼ ଭାବୁଛି ଯେ, ମୁଠି ଭିତରେ କିଛି ଖାଇବା ଜିନିଷ ଅଛି। ହେଲେ ମାଙ୍କଡ଼ ମୁଠା ଫିଟାଇ ଖାଲି ହାତ ଦେଖି ରାଗି ଯାଉଛି। ସେ ବ୍ୟକ୍ତିଙ୍କ ହାତ ଦେଖି ରାଗି ଯାଇ ତାଙ୍କ ହାତକୁ ମାରୁଛି। ଭିଡିଓ ଶେୟାର କରି ଆଇପିଏସ୍ କ୍ୟାପଶନରେ ଲେଖିଛନ୍ତି, ‘ଖାଲି ହାତ।’