କୌଣସି ଦିନ ବାହାରେ ଖାଇବାକୁ ଇଛା ହେଲେ ଆମେ ରେଷ୍ଟୁରାଣ୍ଟ କିମ୍ବା ହୋଟେଲ ପ୍ରିଫର କରିଥାଉ। ନିଜ ମନପସନ୍ଦର ଅର୍ଡର କରି ଖାବା ପରେ ବିଲ୍ ପେମେଣ୍ଟ କରି ଆସିଥାଉ। କିନ୍ତୁ ନିକଟରେ ଏମିତି ଜଣେ ବ୍ୟକ୍ତି ଚର୍ଚ୍ଚାକୁ ଆସିଛନ୍ତି ଯିଏକି ରେଷ୍ଟୁରାଣ୍ଟରେ ୫-୧୦ନୁହେଁ ଶହଶହ ଥର ବିନା ପେମେଣ୍ଟରେ ଖାଦ୍ୟ ଖାଇ ଆସିଛନ୍ତି। ବ୍ୟକ୍ତିଙ୍କର ଏପରି କାରନାମା ଜାଣିବା ପରେ ଖୋଦ୍ ରେଷ୍ଟୁରାଣ୍ଟ ମାଲିକ ନୁହେଁ ପୋଲିସ ବି ଆଶ୍ଚର୍ଯ୍ୟରେ ପଡିଯାଇଛି।
୫୮ବୟସ୍କ ବ୍ୟକ୍ତିଜଣକ ଗତ କିଛି ବର୍ଷ ମଧ୍ୟରେ ୧୨୭ ଥର ଟଙ୍କା ନ ଦେଇ ରେଷ୍ଟୁରାଣ୍ଟରେ ଖାଦ୍ୟ ଖାଇଛନ୍ତି। କିନ୍ତୁ ତାଙ୍କର ଏହିପରି ବେଶୀଦିନ ଚାଲି ନ ଥିଲା। ଚଳିତ ମାସ ରେଷ୍ଟୁରାଣ୍ଟ ମାଲିକ ବ୍ୟକ୍ତିଙ୍କୁ ପୋଲିସ ହେପାଜତକୁ ଦେଇଥିଲେ।
ରେଷ୍ଟୁରାଣ୍ଟର ବାର୍ଟମେନ ମାଇକ ହୋଗେଭେନଙ୍କ ଅନୁଯାୟୀ, ତାଙ୍କର ଧ୍ୟାନ ଏହି ବ୍ୟକ୍ତିଙ୍କ ଉପରେ ସେତେବେଳେ କେନ୍ଦ୍ରିତ ହେଲା ଯେତେବେଳେ ସେ ରେଷ୍ଟୁରାଣ୍ଟରେ ବସିଥିବା ଅନ୍ୟ ଲୋକଙ୍କ ପାଇଁ ଜିନିଷ କିଣିବା ଆରମ୍ଭ କରି ଅନ୍ୟମାନଙ୍କ ସହ ନିଜ ଖାଦ୍ୟ ବାଣ୍ଟିଥିଲେ। କିନ୍ତୁ ସବୁଠାରୁ ଅଧିକ ଆଶ୍ଚର୍ଯ୍ୟ ଳାଗିଲା ଯେତେବେଳେ ସେ ନିଜ ବାମ ହାତ ହଠାତ୍ ଥରିବାକୁ ଲାଗିଲା। । ଏହାପରେ ସେ ଅଜବ ଢଙ୍ଗରେ ହାତ ବୁଲାଇଥିଲେ ଯେପରି ଷ୍ଟ୍ରୋକ୍ ହୋଇଛି। ପରେ ସବୁ ଷ୍ଟାପ୍ ଘେରିଯାଇ ତାଙ୍କୁ ହୋସ୍କୁ ଆଣିବାକୁ ଚେଷ୍ଟା କରିବା ସହ ପାରାମେଡିକ୍ସକୁ ଘଟଣାସ୍ଥଳକୁ ଡାକିଥିଲେ। ମେଡିକାଲ ଟିମ୍ ପହଞ୍ଚିବା ପରେ ସେ ମିଛ କହୁଥିବା ଜଣାପଡିଥିଲା।
ସେଥିରେ ବି ରେଷ୍ଟୁରାଣ୍ଟ ମାଲିକ ତାଙ୍କ ଉପରେ ଦୟା କରି ବିଲ୍ ପେମେଣ୍ଟ କରିବାକୁ ମନା କରିଥିଲେ। ତାଙ୍କ ଘରଲୋକ ଶୀଘ୍ର ଆସି ପହଞ୍ଚିବା ପାଇଁ ତାଙ୍କ ଘର ଠିକଣା ପଚାରି ବୁଝିଥିଲେ। ଯେତେବେଳେ ବ୍ୟକ୍ତି ଜଣକ ତାଙ୍କ ନାମ ଓ ଠିକଣା କହିବା ଆରମ୍ଭ କରିଥିଲେ, ପାରାମେଡିକ୍ସ ଦଳର ଜଣେ ସଦସ୍ୟ ଏଥିରେ ବାଧା ଦେଇ ସେ ଭୂଲ ତଥ୍ୟ ଦେଉଛନ୍ତି ବୋଲି କହିଥିଲେ। ଏଭଳି ପରିସ୍ଥିତିରେ ରେଷ୍ଟୁରାଣ୍ଟ ମାଲିକ ତୁରନ୍ତ ପୋଲିସକୁ ଡାକିଥିଲେ।
ଖବର ଅନୁଯାୟୀ, ପୋଲିସ ତଦନ୍ତରୁ ଜଣାପଡିଥିଲା କି, ବ୍ୟକ୍ତି ଥରେ କି ଦି ଥର ନୁହେଁ ୧୨୭ଥର ଖାଇବା ପରେ ଅସୁସ୍ଥ ଥିବା ଦର୍ଶାଇ ରେଷ୍ଟୁରାଣ୍ଟକୁ ଠକୁଥିଲେ। ଏପରି ବିଲ୍ ନ ଦେଇ ସେ ଲକ୍ଷଲକ୍ଷ ଟଙ୍କା ରେଷ୍ଟୁରାଣ୍ଟକୁ ଚୁନା ମାରିଥିଲେ।