କରୋନା ଭୂତାଣୁ ସମଗ୍ର ବିଶ୍ୱରେ ଏକ ଭୟର ବାତାବରଣ ସୃଷ୍ଟି କରିଛି। ଭାରତ ମଧ୍ୟ ଏହା ଦ୍ୱାରା ପ୍ରଭାବିତ ହୋଇଛି। ଏଭଳି ପରିସ୍ଥିତିରେ, ଲୋକମାନେ ଏହି ରୋଗକୁ ନେଇ ଏତେ ଭୟଭୀତ ହୋଇପଡ଼ିଛନ୍ତି ଯେ, ଯେତେବେଳେ ବି କରୋନା ସଂକ୍ରମିତ ଖବର ଆସେ ଲୋକମାନେ ଭୟଭୀତ ହୋଇପଡ଼ନ୍ତି। ଏମିତି ଏକ ଘଟଣା ଦେଖିବାକୁ ମିଳିଛି ଟ୍ରେନ୍ରେ। ଏଥିରେ ଯାତ୍ରା କରୁଥିବା ଜଣେ ବ୍ୟକ୍ତି ହଠାତ୍ ଜାଣିବାକୁ ପାଇଲେ ସେ କରୋନା ପଜିଟିଭ୍। ଆଉ ତା’ ପରେ ଯାହା ଘଟିଲା ଜାଣନ୍ତୁ…
ବ୍ୟକ୍ତି ଜଣକ କୋଝିକୋଡ୍-ଥିରୁଭନନ୍ତପୁରମ ଜନଶତାବ୍ଦୀ ଏକ୍ସପ୍ରେସ୍ରେ ଯାତ୍ରା କରୁଥିଲେ। ଜଣେ ଅଧିକାରୀ କହିଛନ୍ତି, କୋଝିକୋଡ୍ ଜିଲା କୁନ୍ନାମଙ୍ଗଲାମର ଜଣେ ଶ୍ରମିକ ୩ ଦିନ ପୂର୍ବରୁ କୋଝିକୋଡ୍ରେ କରୋନା ପରୀକ୍ଷା ପାଇଁ ନମୁନା ଦେଇଥିଲେ। ପରୀକ୍ଷା ରିପୋର୍ଟ ଆସିବା ପୂର୍ବରୁ ସେ ନିଜ ସହରକୁ ଯାଇ ଗର୍ଭବତୀ ସ୍ତ୍ରୀଙ୍କୁ ଡାକ୍ତରଖାନା ନେଇ ଯାଉଥିଲେ। ତେବେ ବ୍ୟକ୍ତି ଜଣଙ୍କ ତାମିଲନାଡୁରୁ ନିଜ ସହରକୁ ଯିବା ପାଇଁ ଟ୍ରେନରେ ଚଢ଼ିଥିଲେ। ଏହି ସମୟରେ ସେ ସ୍ବାସ୍ଥ୍ୟ ଅଧିକାରୀଙ୍କଠାରୁ ଏକ କଲ୍ ପାଇଥିଲେ ଏବଂ ତାଙ୍କୁ ଏର୍ନାକୁଲମ ଟାଉନ ଷ୍ଟେଶନରେ ଓହ୍ଲାଇବାକୁ କୁହାଯାଇଥିଲା।
ଖବର ଅନୁଯାୟୀ, କୋଝିକୋଡ୍ରେ ଥିବା ସ୍ବାସ୍ଥ୍ୟ ଅଧିକାରୀମାନେ କରୋନା ପଜିଟିଭ୍ ଆସିବା ପରେ ତାଙ୍କ ସହ ଯୋଗାଯୋଗ କରିଥିଲେ, କିନ୍ତୁ ସେତେବେଳକୁ ଟ୍ରେନ୍ ଷ୍ଟେଶନ ଛାଡ଼ି ସାରିଥିଲା।
ଏହା ପରେ ପୁଣି ଥରେ ତ୍ରିଶୂର ଜିଲାର ସ୍ବାସ୍ଥ୍ୟ ଅଧିକାରୀଙ୍କୁ ସୂଚନା ଦିଆଯାଇଥିଲା। ଏହି ଷ୍ଟେଶନରେ ପହଞ୍ଚିବା ବେଳକୁ ସେଠାରୁ ମଧ୍ୟ ଟ୍ରେନ୍ ଚାଲିଯାଇଥିଲା। ଏର୍ନାକୁଲମରେ ସ୍ବାସ୍ଥ୍ୟ ଅଧିକାରୀ ଉକ୍ତ ବ୍ୟକ୍ତିଙ୍କୁ ଟ୍ରେନରୁ ଓହ୍ଲାଇ ଡାକ୍ତରଖାନାକୁ ଆଣିଥିଲେ।
ରେଳ ବିଭାଗର ଜଣେ ଅଧିକାରୀ କହିଛନ୍ତି, ସଂକ୍ରମିତ ବ୍ୟକ୍ତିଙ୍କୁ ଓହ୍ଲାଇବା ପରେ ସେ ଯେଉଁ ବଗିରେ ଯାଉଥିଲେ ତାହାକୁ ସିଲ୍ କରାଯାଇଥିଲା। ଯାହାଦ୍ୱାରା ଅନ୍ୟମାନେ ପ୍ରବେଶ କରିପାରିବେ ନାହିଁ। ଯେଉଁମାନେ ପୀଡ଼ିତଙ୍କ ସହ ସେହି ବଗିରେ ଥିଲେ ସେମାନଙ୍କୁ ମଧ୍ୟ ଟ୍ରେନର ଦ୍ୱିତୀୟ ବଗିକୁ ସ୍ଥାନାନ୍ତର କରାଯାଇଥିଲା।