କୁଲଗାମ(କଶ୍ମୀର),୯।୬ : ଦକ୍ଷିଣ କଶ୍ମୀରର କୁଲଗାମ ଜିଲାର ଜଣେ ତହସିଲଦାର ବୁଧବାର ଏକ ଦୋକାନରୁ ମିନେରାଲ ପାଣି ବୋତଲ କିଣିଥିଲେ। କିନ୍ତୁ ପାଣି ବଦଳରେ ଭୁଲ ବଶତଃ ବ୍ୟାଟେରି ଏସିଡ୍ ଭର୍ତ୍ତି ଥିବା ବୋତଲ ଦେଇଥିଲେ ଦୋକାନୀ। ଏହାକୁ ପିଇବା ପରେ ଗୁରୁତର ହୋଇପଡ଼ିଥିବା ତହସିଲଦାର ନିୟାଜ ଅହମ୍ମଦ ଭଟ ହସ୍ପିଟାଲରେ ଭର୍ତ୍ତି ହୋଇଛନ୍ତି।
ଅଫିମ ଚାଷ ନଷ୍ଟ କରି ଫେରୁଥିବା ନିୟାଜ ବୁଧବାର ଅପରାହ୍ନ ୧୧ଟା ବେଳେ ଏକ ଦୋକାନୀଙ୍କୁ ପାଣି ବୋତଲ ମାଗିଥିଲେ। ଦେଖିବାକୁ ପାଣି ଭଳି ବ୍ୟାଟେରି ଏସିଡ୍କୁ ଏକ ବୋତଲରେ ରଖିଥିଲେ ଦୋକାନୀ, ଯାହାକୁ ପାଣି ଭାବି ବିକି ଦେଇଥିଲେ। ପିଇବା ପରେ ଅସୁସ୍ଥ ହୋଇପଡ଼ିଥିଲେ ତହସିଲଦାର। ତାଙ୍କୁ ତୁରନ୍ତ ହସ୍ପିଟାଲ ନିଆଯାଇଥିବା ଜଣେ ଅଧିକାରୀ କହିଛନ୍ତି। ତେବେ ତାଙ୍କ ସ୍ବାସ୍ଥ୍ୟାବସ୍ଥା ସ୍ଥିର ଥିବା ସେହି ଅଞ୍ଚଳର ବିଏମ୍ଓ ଗୁଲଜାର ଅହମ୍ମଦ ଦାର କହିଛନ୍ତି।