ଲଣ୍ଡନ,୩୧।୧୨: ଲଣ୍ଡନ ଗ୍ୟାଟଓ୍ବିକ୍ ଏୟାରପୋର୍ଟରେ ଏକ ଆଶ୍ଚର୍ଯ୍ୟଜନକ ଘଟଣା ଦେଖିବାକୁ ମିଳିଛି। ଲଗେଜ ଆସିବାକୁ ଡେରି ହେବାରୁ ଯାତ୍ରୀଜଣକ ଲଗେଜ କନଭେଅର ବେଲ୍ଟ ଉପରେ ଚଢି ଯାଇଥିଲେ। ଉପରେ ଚଢିବା ସହ କନଭେଅର ଉପରେ ଶୌଚ କରିବାକୁ ଏୟାରପୋର୍ଟ ଅଧିକାରୀଙ୍କୁ ଧମକ ଦେଇଥିଲେ। ଏହି ଘଟଣାକୁ ନେଇ ଏୟାରପୋର୍ଟରେ ଥିବା ଯାତ୍ରୀ ଓ ଅଧିକାରୀମାନେ ଆଶ୍ଚର୍ଯ୍ୟନ୍ବିତ ହୋଇଯାଇଥିଲେ।
ସୂଚନାଯୋଗ୍ୟ, ଏହି ବ୍ରିଟିଶ ଯାତ୍ରୀ ଜଣକୁ ଯେତେବେଳେ ଫ୍ଲାଇଟରେ ଯାତ୍ରା କରି ଏୟାରପୋର୍ଟରେ ପହଞ୍ଚିଥିଲେ ସେତେବେଳେ କନଭେଅରରେ ନିଜ ଲଗେଜ ପାଇଁ ଅପେକ୍ଷା କରିଥିଲେ। ହେଲେ ଲଗେଜ ଆସିବାକୁ ବହୁତ ଡେରି ହେବାରୁ ସେ ଅସ୍ୟହ ହୋଇ ପଡିଥିଲେ।
ଏହାପରେ ଯାତ୍ରୀ ଖୁବ୍ ରାଗିଯାଇଥିଲେ। କନଭେଅର ଉପରେ ଚଢିଯାଇ ସାର୍ବଜନୀକ ଭାବେ ଶୌଚ କରିଦେବା ପାଇଁ ଅଧିକାରୀଙ୍କୁ ଧମକ ଦେଇଥିଲେ। ପରେ ଯେତେବେଳେ ଲଗେଜ ପାଇଥିଲେ, ଖୁସିରେ ଆତ୍ମହରା ହୋଇ ପଡିଥିଲେ। ଏୟାରପୋର୍ଟରେ ହିଁ ସେ ବଡପାଟି କରି ଚିଲ୍ଲେଇବାକୁ ଲାଗିଲେ।
