ଏକାସାଙ୍ଗରେ ୯ ମହିଳାଙ୍କୁ ବିବାହ କରି ପାଖରେ ରଖିବା ଆଶ୍ଚର୍ଯ୍ୟଜନକ କଥା। ମାତ୍ର ବ୍ରାଜିଲର ମଡେଲ ଆର୍ଥର-ଓ-ଉର୍ସୋ ୯ଜଣଙ୍କୁ ବିବାହ କରି ପାଖରେ ରଖିଛନ୍ତି। ଯାହାକୁ ନେଇ ସେ ଏବେ ଚର୍ଚ୍ଚାରେ ରହିଛନ୍ତି। ଆର୍ଥର ପୂର୍ବରୁ ବିବାହ କରିଥିଲେ। ମାତ୍ର ‘ଫ୍ରି ଲଭ୍’ ଉତ୍ସବ ପାଳନ କରିବାକୁ ‘ଏକ ବିବାହ’କୁ ସେ ବିରୋଧ କରୁଥିଲେ। ସେଥିପାଇଁ ସେ ୯ ଜଣ ମହିଳାଙ୍କୁ ବିବାହ କରିଥିଲେ। ପୂର୍ବରୁ ଜଣଙ୍କୁ ବିବାହ କରିଥିଲେ। ସମୁଦାୟ ୧୦ ମହିଳାଙ୍କୁ ସେ ବିବାହ କରିଛନ୍ତି।
ମୋଟା ଯୋଗୁ ଆର୍ଥର ବହୁତ ଚିନ୍ତାଗ୍ରସ୍ତ ଥିଲେ। ତାଙ୍କର ଓଜନ ୧ କ୍ୱିଣ୍ଟାଲ ହୋଇଯାଇଥିଲା। ପରେ ତାଙ୍କ ଓଜନ ୨୮ କେଜି କମାଇଥିଲେ। ଓଜନ କମାଇବା ପରେ ସେ ମଡେଲିଂ ଆରମ୍ଭ କରିଥିଲେ। ସେ କହିଛନ୍ତି, ମୁଁ ଓଜନ ଯଦି କମାଇ ନ ଥାନ୍ତି ୯ ମହିଳାଙ୍କୁ ଏକାସାଙ୍ଗରେ ବିବାହ କରିପାରି ନ ଥାନ୍ତି। ଆର୍ଥରଙ୍କ ପ୍ରଥମ ସ୍ତ୍ରୀଙ୍କ ନାମ ଲୁଆନା କାଜାକୀ। ଏହା ପରେ ଆର୍ଥରଙ୍କ ଜୀବନ କେମିତି ବଦଳିଲା ତାହାକୁ ନେଇ ସେ କହିଛନ୍ତି।
ଆର୍ଥର ସୋମବାରରୁ ଶନିବାର ପର୍ଯ୍ୟନ୍ତ ଜିମ୍ରେ ଝାଳ ବୁହାନ୍ତି। ରବିବାର ବିଶ୍ରାମ ନିଅନ୍ତି। ଖାଇବା ପିଇବା ସମ୍ପର୍କରେ ସେ କୁହନ୍ତି, ମୁଁ ଏମିତି ଖାଦ୍ୟ ଖାଏ ନାହିଁ, ଯେଉଁଥିରେ ଲୁଣ, ଚିନି ଏବଂ ଫ୍ୟାଟ୍ ଥାଏ। ସନ୍ତୁଳିତ ଆହାର ପାଇଁ ମୁଁ ରୁଟିନ୍ କରିଛି। ତାଙ୍କର ଜୀବନଶୈଳୀରେ ପରିବର୍ତ୍ତନ କରିବା ପରେ ଏକ ଆକର୍ଷକ ଚେହେରା ପାଇଥିଲେ। ପରେ ମହିଳାମାନେ ତାଙ୍କ ପ୍ରେମରେ ପଡ଼ିଥିଲେ। ଯେଉଁଥିପାଇଁ ଆଜି ସେ ୯ ମହିଳାଙ୍କୁ ପାଖରେ ରଖିଛନ୍ତି।
