କରୋନା ଭାଇରସ ସମଗ୍ର ବିଶ୍ୱରେ କାୟା ବିସ୍ତାର କରିସାରିଛି। ଏଭଳି ସମୟରେ ଲୋକେ ଘରେ ରହି କରୋନା ଠାରୁ ଦୂରେଇ ରହୁଛନ୍ତି। ଜରୁରି କାମ ଥିଲେ ସାମାଜିକ ଦୂରତ୍ୱ ରକ୍ଷାକରି ଲୋକେ ଘରୁ ବାହାରକୁ ବାହାରୁଛନ୍ତି। ଏହି ସମୟରେ ସୋସିଆଲ ମିଡିଆରେ ଏକ ଭିଡିଓ ଖୁବ୍ ଭାଇରାଲ ହେବାରେ ଲାଗିଛି। ଜଣେ ବ୍ୟକ୍ତି ବିନା ଖର୍ଚ୍ଚରେ ଘରୋଇ ଉପାୟରେ ଫେସ୍ ସିଲ୍ଡ ତିଆରି କରିଛନ୍ତି। ଆଇଏଏସ୍ ଅଫିସର ଅବନୀଶ ଶରଣ ବ୍ୟକ୍ତିଙ୍କର ଏହି ଶୈଳିକୁ ବହୁତ ପସନ୍ଦ କରିବା ସହ ଏହାର ଭିଡିଓକୁ ସେ ଟୁଇଟରରେ ଶେୟାର କରିଛନ୍ତି। ଭିଡିଓରେ ବ୍ୟକ୍ତିଜଣଙ୍କ ଏକ ବଡ଼ ପାଣି ବୋତଲର ଉପର ଏବଂ ତଳ ଭାଗକୁ କାଟିଦେଉଛନ୍ତି। ପରେ ବୋତଲର ମଝି ଭାଗକୁ କାଟି ମୁହଁରେ ଲଗାଉଛନ୍ତି। ଏହିପରି ଭାବେ ଘରୋଇ ଉପାୟରେ ବ୍ୟକ୍ତିଜଣଙ୍କ ମାଗଣାରେ ଫେସ୍ ଶିଲ୍ଡ ତିଆରି କରୁଛନ୍ତି। ଲୋକେ ଏହି ଭିଡିଓକୁ ପସନ୍ଦ କରିବା ସହ ନିଜର ଭିନ୍ନ ପ୍ରକାରର ମତ ମଧ୍ୟ ରଖୁଛନ୍ତି।