ଓ୍ବାଶିଂଟନ୍, ୧୯।୮: କରୋନା ସୟରେ ଲୋକେ ଘରେବସି ନୂଆ ନୂଆ ଜିନିଷ ବାହାର କରିବାରେ ଲାଗିଛନ୍ତି। ସେହିପରି ଏବେ ଜଣେ ବ୍ୟକ୍ତି ମାସ୍କ ପିନ୍ଧାଇବା ପାଇଁ ଏକ ମେଶିନ ତିଆରି କରିଛନ୍ତି। ଏହାର ଭିଡିଓ ଏବେ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି। ଏହି ଭିଡିଓକୁ ଶେୟାର କରିଛନ୍ତି ଆମେରିକାର ବାସ୍କେଟବଲ ଖେଳାଳି ରେକ୍ସ ଚେପମ୍ୟାନ। ଏଥିରେ ସେ କ୍ୟାପଶନ ଲେଖିଛନ୍ତି, ମୋର ଲୋକମାନେ ‘ଦ କରିନେଟର’ ନାମକ ଏକ ମେଶିନ ତିଆରି କରିଛନ୍ତି, ଯାହା ଲୋକଙ୍କୁ ମାସ୍କ ପିନ୍ଧାଇବ।
ଭିଡିଓରେ ଜଣେ ବ୍ୟକ୍ତି ମେଶିସ ସମ୍ମୁଖରେ ବସିଛନ୍ତି। କିଛି ସେକେଣ୍ଡ ପରେ ଉକ୍ତ ମେଶିନ ବ୍ୟକ୍ତିଙ୍କ ନିକଟକୁ ଯାଇ ମାସ୍କ ପିନ୍ଧାଉଛି। ଏହାପରେ ମେଶିନଟି କିପରେ ମାସ୍କ ପିନ୍ଧିଛି ତାହା ମଧ୍ୟ ଭିଡିଓରେ ଦେଖିବାକୁ ମିଳୁଛି।