ଜୟପୁର, ୨୪।୭: ରାଜସ୍ଥାନର ଜୟପୁରରେ ଶିଶୁ କନ୍ୟା ଅପହରଣ ମାମଲରେ ଶୁକ୍ରବାର ପୋଲିସ ଜଣେ ଯୁବକଙ୍କୁ ଗିରଫ କରାଯାଇଛି। ତେବେ ଅପହରଣର କାରଣ ଯେତେବେଳେ ପୋଲିସ ଜାଣିଲା ସେତେବେଳେ ଚକିତ ହୋଇଯାଇଥିଲା। ପୋଲିସର କହିବା ଅନୁଯାୟୀ ଏହି ଯୁବକ ଜଣଙ୍କ ୫ ବର୍ଷ ତଳେ ଜଣେ କିନ୍ନରଙ୍କୁ ବିବାହ କରିଥିଲେ। କିନ୍ତୁ ତାଙ୍କ ସାଥୀଙ୍କ କାରଣରୁ ଯୁବକଙ୍କର କୌଣସି ସନ୍ତାନ ନ ଥିବାରୁ ସେ ଦୁଃଖିତ ଥିଲେ। ଏହି କଥାକୁ ଯୁବକଜଣଙ୍କ ତାଙ୍କର ୨ ସାଙ୍ଗଙ୍କୁ ଜଣାଇଥିଲେ। ପରେ ସେମାନେ ଏକ ଶିଶୁ ଅପହରଣ ପାଇଁ ଯୋଜନା କରିଥିଲେ। ଯୋଜନା ମୁତାବକ ଯୁବକଙ୍କ ୨ ବନ୍ଧୁ ଶିଶୁ ସନ୍ଧାନରେ ଲାଗି ପଡ଼ିଥିଲେ। ଶେଷରେ ସେମାନେ ରାମନଗର ଥାନା ଅନ୍ତର୍ଗତ ଜଣେ ବାଳିକାଙ୍କୁ ଅପହରଣ ପାଇଁ ଠିକ୍ କରିଥିଲେ। ଏହାପରେ ଗତ ୨୦ ତାରିଖ ସନ୍ଧ୍ୟାରେ ଯୁବକଙ୍କ ସମେତ ତାଙ୍କର ୨ ସାଙ୍ଗ ସେହି ବାଳିକାକୁ ଅପହରଣ କରିବାରେ ସଫଳ ହୋଇଥିଲେ। କିନ୍ତୁ ବାଳିକାର ବୟସ ଅଧିକ ହୋଇଥିବାରୁ ସେମାନେ ତାଙ୍କୁ ଘରେ ଛାଡ଼ି ଦେଇଥିଲେ। ଏହାର ୨ ଦିନ ପରେ ସେମାନେ ପୁଣିଥରେ ଗୋଟିଏ ୨ ବର୍ଷର ଶିଶୁ କନ୍ୟାକୁ ଅପହରଣ କରିନେଇଥିଲେ। କିନ୍ତୁ ପୋଲିସର ତ୍ୱରିତ ପଦକ୍ଷେପ ଯୋଗୁ ଦିନକ ପରେ ଶିଶୁ କନ୍ୟାକୁ ଉଦ୍ଧାର କରିବା ସହ ଯୁବକଙ୍କୁ ଗିରଫ କରିପାରିଥିଲା।
