ମୁମ୍ବାଇ,୧୫ ।୧୦: ମହାରାଷ୍ଟ୍ରର ପୁଣେରେ ଏକ ଲୋମଟାଙ୍କୁରା ଦୃଶ୍ୟ ସାମ୍ନାକୁ ଆସିଛି । ଜଣେ ଅଟୋ ଚଳାକ ୨୨ ବର୍ଷିୟା ଜଣେ କଲେଜ ଛାତ୍ରୀଙ୍କୁ କମେଣ୍ଟ ମାରିବା ପରେ ଜୋର ଜବରଦସ୍ତ ଅଟୋ ମଧ୍ୟକୁ ଘୋଷାଡି ନେବାକୁ ଚେଷ୍ଟା କରି ବିଫଳ ହେବାର ଭିଡିଓ ଏବେ ସାମ୍ନାକୁ ଆସିଛି ।
ଠାଣେ ପୋଲିସର ସୂଚନା ଅନୁଯାୟୀ, ଘଟଣା ପ୍ରାୟ ସକାଳ ୬ଟା ୪୫ରେ ଠାଣେ ରେଲୱେ ଷ୍ଟେଶନ ନିକଟରେ ଘଟିଛି । ଛାତ୍ରୀ ଜଣକ କଲେଜ ଯିବା ସମୟରେ ବାଟରେ ଠିଆ ହୋଇଥିବା ଏକ ଅଟୋକୁ କ୍ରସ କରିବା ସମୟରେ ସେଥିରେ ଥିବା ଅଟୋଚାଳକ ଛାତ୍ରୀଙ୍କ ଉଦ୍ଦେଶ୍ୟରେ ଆପତ୍ତିଜନକ ଟିପ୍ପଣି କରିଥିଲେ । ଛାତ୍ରୀ ଜଣଙ୍କ ଏହାକୁ ବିରୋଧ କରିବାରୁ ଅଟୋ ଚଳାକ ତାଙ୍କୁ ଅଟୋ ମଧ୍ୟକୁ ଟାଣି ନେବାକୁ ଚେଷ୍ଟା କରିଥିଲେ । ହେଲେ ସେ ନ ଯିବାରୁ ତାଙ୍କ ହାତ ଧରି ଖୁବ ଜୋରରେ ଅଟୋ ସହ ଛାତ୍ରୀଙ୍କୁ କିଛି ବାଟ ଘୋଷାଡି ନେଇ ପରେ ଛାଡି ଚାଲିଯାଇଥିଲେ । ଏଥିରେ ଛାତ୍ରୀ ଜଣଙ୍କ ସାମାନ୍ୟ ଆହତ ହୋଇଛନ୍ତି । ଏ ସମସ୍ତ ଘଟଣା ନିକଟରେ ଥିବା ସିସିଟିଭିରେ ରେକର୍ଡ ହୋଇଛି । ଏବେ ପୋଲିସ ଧାରା ୩୫୪ ଓ ୩୫୪ଏ ଆଧାରରେ ମାମଲା ରୁଜୁ କରି ଏକ ଟିମ ଗଠନ କରି ଅଭିଯୁକ୍ତଙ୍କୁ ଖୋଜୁଛି ।