ଅନେକେ କୁହନ୍ତି ଭୁତର ପାଦ ପଛପଟକୁ ମୋଡି ହୋଇ ରହିଥାଏ। ମଣିଷ ଚାହିଁଲେ ବି ନିଜର ପାଦ ଓ ଗୋଡକୁ ଏତେଟା ମୋଡି ପାରିବ ନାହିଁ। ତେବେ ଲଣ୍ଡନର ମାକ୍ସଓ୍ବେଲ ଡେ ନାମକ ଏକ କିଶୋର ନିଜ ପାଦକୁ ପଛକୁ ମୋଡି ଦେଇ ପାରନ୍ତି। ତାଙ୍କର ଏଭଳି କରତବ ଦେଖିଲେ ଯେ କେହି ବିସ୍ମିତ ହୋଇ ଯାଆନ୍ତି। ଅନେକେ ତ ଭାବନ୍ତି ଇଏ ମଣିଷ ନୁହନ୍ତି, ଭୁତ। ହେଲେ ମାକ୍ସଓ୍ବେଲ ଆଦୌ ଭୁତ ନୁହନ୍ତି, କିନ୍ତୁ ତାଙ୍କ ପାଖରେ ଈଶ୍ୱରପ୍ରଦତ୍ତ ଏହି ସ୍ବତନ୍ତ୍ରତା ରହିଛି। ସେ ନିଜର ପାଦକୁ ୧୫୭ଂ ପର୍ଯ୍ୟନ୍ତ ମୋଡି ଦେଇ ପାରନ୍ତି, ଯାହା ଦେଖିବାକୁ ବେଶ୍ ଅଜବ ଲାଗେ। ଏହି ସ୍ବତନ୍ତ୍ରତା ପାଇଁ ତାଙ୍କ ନାମ ଗିନିଜ ଓ୍ବାର୍ଲଡ ରେକର୍ଡସ୍ରେ ଲାର୍ଜେଷ୍ଟ ଫୁଟ୍ ରୋଟେସନ୍ ବର୍ଗରେ ସ୍ଥାନ ପାଇଛି।
