ନୂଆଦିଲ୍ଲୀ,୨୮।୯: ଦୁର୍ଗାପୂଜା ପାଇଁ ଇ-କମର୍ସ ପକ୍ଷରୁ ବର୍ତ୍ତମାନ ବିଗ୍ ବିଲିୟନ ଡେ ସେଲିଙ୍ଗ୍ ଚାଲିଛି। ବିଭିନ୍ନ ଜିନିଷ ଉପରେ ବ୍ୟାପକ ରିହାତି ପ୍ରଦାନ କରୁଛି ଇ-କମର୍ସ କମ୍ପାନୀ। ଏହି ସମୟରେ ଜଣେ ବ୍ୟକ୍ତି ଏକ ଲାପ୍ଟପ୍ ଅର୍ଡର କରିଥିଲେ। ହେଲେ ସେ ଲାପଟପ ବଦଳରେ ଯାହା ପାଇଲେ, ଆପଣ ଶୁଣି ଆଶ୍ଚର୍ଯ୍ୟ ହୋଇଯିବେ। ଅହମ୍ମଦାବାଦର ଯଶସ୍ବୀ ଶର୍ମା ତାଙ୍କ ପିତାଙ୍କ ଲାଗି ଫ୍ଲିପ୍କାର୍ଟରୁ ଏକ ଲାପ୍ଟପ୍ ଅର୍ଡର କରିଥିଲେ। ସେହି ଅର୍ଡରଟି ଆସି ପହଞ୍ଚିବା ପରେ ପ୍ୟାକେଜ୍ଟି ଖୋଲିଥିଲେ, ହେଲେ ସେଥିରେ ଲାପଟପ ବଦଳରେ ଡିଟରଜେଣ୍ଟ ସାବୁନ୍ ଦେଖି ଆଶ୍ଚର୍ଯ୍ୟ ହୋଇଗଲେ। ଯାହାର ଫଟୋ ଶେୟାର କରି ସେ ଏହି ସୂଚନା ଦେଇଛନ୍ତି।