ଆଜିକାଲି ଅନ୍ଲାଇନ୍ ଯୁଗ। ମୋବାଇଲ୍ରେ ଅର୍ଡର ଦେଲେ ଖାଦ୍ୟଠାରୁ ଆରମ୍ଭ କରି ଦୈନନ୍ଦିନ ଜୀବନର ଆବଶ୍ୟକ ଜିନିଷ ଆସି ଘରେ ପହଞ୍ଚି ଯାଉଛି। କିନ୍ତୁ ବେଳେବେଳେ ଅନଲାଇନ୍ରେ ଲୋକେ ଠକାମିର ଶିକାର ହୋଇଥାନ୍ତି। ନିକଟରେ ଜଣେ ଯୁବକ ଅନଲାଇନ୍ରେ ଆପଲ ଆଇଫୋନ ୧୩ ଅର୍ଡର କରିଥିଲେ। କିନ୍ତୁ ଆଇଫୋନ ୧୩ ବଦଳରେ ଟଏଲେଟ ପେପରରେ ଗୁଡାଯାଇଥିବା ଦୁଇଟି ଚକୋଲେଟ ମିଳିଥିଲା। ଏହି ଘଟଣା ଇଂଲଣ୍ଡର ଲିଡ୍ସରୁ ଆସିଛି।
ଡାନିଏଲ କାରୋଲ ନାମକ ଜଣେ ଗ୍ରାହକ ଉତ୍ସାହର ସହିତ ତାଙ୍କ ଆଇଫୋନ ୧୩ ପ୍ରୋ ମ୍ୟାକ୍ସକୁ ଅପେକ୍ଷା କରିଥିଲେ, କାରଣ ଏହା ଦୁଇ ସପ୍ତାହ ବିଳମ୍ବ ହୋଇଥିଲା। ଫୋନର ମୂଲ୍ୟ ୧ ଲକ୍ଷ ଟଙ୍କା ଥିଲା। ସେ ଅର୍ଡର କରିବା ପାଇଁ ପ୍ୟାକେଜ ଗ୍ରହଣ କଲେ, ସେ ଫୋନ ବଦଳରେ ଟଏଲେଟ ରୋଲରେ ଗୁଡ଼ାଯାଇଥିବା ଦୁଇଟି କ୍ୟାଡବିରୀର ହ୍ବାଇଟ ଓରିଓ ଚକୋଲେଟ ବାର୍ ପାଇ ଆଶ୍ଚର୍ଯ୍ୟ ହୋଇଗଲେ। ଡାନିଏଲ କହିଛନ୍ତି, ମୁଁ ଆପଲ ୱେବସାଇଟ ମାଧ୍ୟମରେ ଡିସେମ୍ବର ୨ରେ ଫୋନ ଅର୍ଡର କରିଥିଲି, କିନ୍ତୁ ଅଧିକ ଷ୍ଟକ ହେତୁ ଡେଲିଭରିର ପ୍ରଥମ ଦିନ ଡିସେମ୍ବର ୧୭ ଥିଲା। ଗତ ଶୁକ୍ରବାର ମୁଁ ଅର୍ଡର ଆଣିବାକୁ କମ୍ପାନୀର ଡିପୋରୁ ପାର୍ସଲ ଗ୍ରହଣ କରିବାକୁ ପହଞ୍ଚିଥିଲି ଏବଂ ଶନିବାର ଦିନ ଏହା ଉପଲବ୍ଧ ହେବ ବୋଲି ସେଠାରେ କୁହାଯାଇଥିଲା। କିନ୍ତୁ ପାର୍ସଲ ଦେଖି ମୁଁ ଆଶ୍ଚର୍ଯ୍ୟ ହୋଇଥିବା ସେ କହିଛନ୍ତି। ଏବେ କାରୋଲ ଏନେଇ କମ୍ପାନୀ ନିକଟରେ ଅଭିଯୋଗ କରିଛନ୍ତି।