ବେଳେବେଳେ ସୋସିଆଲ ମିଡିଆରେ ଏମିତି କିଛି ଭିଡିଓ ଭାଇରାଲ ହୋଇଥାଏ ଯାହା ଦେଖିଲେ ଆଶ୍ଚର୍ଯ୍ୟ ଲାଗେ। ଠିକ୍ ସେମିତି ଏକ ଭିଡିଓ ଏବେ ଭାଇରାଲ ହେବାରେ ଲାଗିଛି। ଯେଉଁ ଭିଡିଓରେ ଜଣେ ବ୍ୟକ୍ତି ନିଜ କାର୍କୁ ଏମିତି ଏକ ସ୍ଥାନରେ ପାର୍କିଂ କରୁଛନ୍ତି, ଯାହାକୁ ଦେଖିଲେ ଲୋମ ଟାଙ୍କୁରି ଉଠିବ।
ଭିଡିଓଟିକୁ କେହି ଜଣେ ୟୁଜର ଟୁଇଟର ପେଜ୍ରେ ଶେୟାର କରିଛନ୍ତି। ଏଥିରେ ଜଣେ ବ୍ୟକ୍ତି ନିଜ କାର୍କୁ ନେଇ ବିପଦପୂର୍ଣ୍ଣ ସ୍ଥାନରେ ସହଜ ଭାବେ ପାର୍କିଂ କରୁଛନ୍ତି। ଏଥିରୁ ବେଶ୍ ଭଲ ଭାବେ କାର୍ଟିକୁ ମଧ୍ୟ ବାହାର କରୁଛନ୍ତି। ଭିଡିଓରେ ସ୍ପଷ୍ଟ ଦେଖାଯାଉଛି, ବ୍ୟକ୍ତିଜଣକ କାର୍ଟିକୁ ଧୀରେ ଧୀରେ ଚଲାଇ ଦୁଇପଟରେ ଖାଲ ଏବଂ ଖାଲିଥିବା କିଛି ସ୍ଥାନରେ ନେଇ ରଖୁଛନ୍ତି। ଆଗରେ ବିରାଟ ଖାଲ ଏବଂ ପଛରେ ମଧ୍ୟ ଖାଲ ରହିଛି। ସେତିକି ସ୍ଥାନରେ ଅତି ସହଜରେ କାର୍ଟିକୁ ପାର୍କିଂ କରି ପୁଣି ବାହାର କରୁଛନ୍ତି। ଯାହା ଦେଖଣାହାରୀଙ୍କୁ ମଧ୍ୟ ଆଶ୍ଚର୍ଯ୍ୟ କରିଦେଇଛି। କିଛି ଲୋକ ରାସ୍ତାରେ ଠିଆ ହୋଇ ଏହି ଦୃଶ୍ୟକୁ ଉପଭୋଗ କରୁଥିବା ବେଳେ ଆଉ କିଛି ଲୋକ ମୋବାଇଲରେ ଶୁଟିଂ ମଧ୍ୟ କରୁଥିବାର ନଜର ଆସିଛି। ଭିଡିଓଟିକୁ ସୋସିଆଲ ମିଡିଆରେ ବେଶ୍ ପ୍ରଶଂସା କରାଯାଉଛି।