ଫୁରସତ

ଚିତାବାଘ ସହିତ ଏଭଳି କଲେ ବ୍ୟକ୍ତି, ଭିଡିଓ ଦେଖିଲେ…
7:53 amAugust 19, 2022August 18, 2022 / 04

ସୋସିଆଲ ମିଡିଆରେ କିଛି ନା କିଛି ଭିଡିଓ ସାମ୍ନାକୁ ଆସେ। ଠିକ୍‌ ସେହିପରି ଏକ ଭିଡିଓ ସାମ୍ନାକୁ ଆସିଛି। ଯେଉଁଥିରେ ଏକ ବ୍ୟକ୍ତି ନିର୍ଦ୍ଦୟ ରୂପେ ଚିତାବାଘ ଲାଞ୍ଜକୁ ଧରି ଟାଣୁଛନ୍ତି। ଏହି ସମୟରେ ସେଠାରେ ଉପସ୍ଥିତ ଥିବା କିଛି ଲୋକ ଫଟୋ ଉଠାଇବା ସହ ଭିଡିଓ ମଧ୍ୟ କରିଥିଲେ। ତେବେ ଅସହାୟ ଚିତାବାଘ ଲୋକଙ୍କ କବଳରୁ ଦୂରେଇ ଯିବାକୁ ଚେଷ୍ଟା କଲା କିନ୍ତୁ ବିଫଳ ହେଲା। ଏହି ଭିଡିଓକୁ ଆଇଏଫଏସ ଅଧିକାରୀ ପରଭେନ କାସୱାନ ସୋସିଆଲ ମିଡିଆରେ ଶେୟାର କରି ଲେଖିଛନ୍ତି, ବନ୍ୟଜନ୍ତୁଙ୍କୁ ଏଭଳି କରିବା ଉଚିତ୍‌ ନୁହେଁ। ସେମାନେ ମଧ୍ୟ ଜୀବଜନ୍ତୁ। ଏହି ଭିଡିଓଟି ଶେୟାର ହେବା ମାତ୍ରେ ସୋସିଆଲ ମିଡିଆରେ ଖୁବ୍‌ ଭାଇରାଲ ହୋଇଥିଲା। ଅନେକ ୟୁଜର୍ସ ମଧ୍ୟ ଭିଡିଓଟି ଦେଖିବା ପରେ ଏହାକୁ ନିନ୍ଦନୀୟ ବୋଲି ପ୍ରତିକ୍ରିୟା ଦେଇଛନ୍ତି। ଜଣେ ୟୁଜର୍ସ ଲେଖିଛନ୍ତି ଜନ୍ତୁଙ୍କ ଏହି ପ୍ରକାର ଆଚରଣ ଦେଖି ଅତ୍ୟନ୍ତ ଦୁଃଖିତ। ସେମାନଙ୍କୁ ଆଇନ ଅନୁଯାୟୀ ଦଣ୍ଡିତ କରାଯିବା ଆବଶ୍ୟକ।