ଆଜିକାଲିର ଲୋକମାନଙ୍କ ପାଇଁ ସୋସିଆଲ ମିଡିଆ ଏପରି ଏକ ମାଧ୍ୟମ ପାଲଟିଛି, ଯେଉଁଠାରେ ଲୋକେ ନିଜର ପ୍ରତିଭାକୁ ଦର୍ଶାଇ ଖୁବ୍ ସହଜରେ ପରିଚିତ ହୋଇପାରୁଛି। କିଛି ଲୋକ ଏଥିରେ ସଫଳ ହେଉଥିବା ବେଳେ କିଛି ଲୋକ ଥଟ୍ଟାରେ ପରିଣତ ହୁଅନ୍ତି। ସେଭଳି ଏକ ଭିଡିଓ ଏବେ ସୋସିଆଲ ମିଡିଆରେ ଭାଇରାଲ ହେଉଛି। ଏହାକୁ ଦେଖିବା ପରେ ଆପଣ ନିଶ୍ଚିତ ଭାବେ ଆଶ୍ଚର୍ଯ୍ୟ ହୋଇଯିବେ।
ଭିଡିଓରେ ଜଣେ ବ୍ୟକ୍ତି ବାଇକ୍ ଟାଙ୍କିରେ ପେଟ୍ରୋଲ ପକାଇବା ପରିବର୍ତ୍ତେ ମଦ ଭର୍ତ୍ତି କରୁଛନ୍ତି। ପରେ ବାଇକ୍ଟି ଏଣେତେଣେ ଗଡ଼ିବାକୁ ଲାଗୁଛି। ପ୍ରଥମ କଥାଟି ସତ ହୋଇଥିଲେ ହେଁ ଦ୍ୱିତୀୟଟି ଏହା ପରର ଅବସ୍ଥା କି ନାହିଁ ତାହା ଜଣାପଡ଼ି ନ ଥିଲେ ହେଁ ଭିଡିଓଟି ଏବେ ଚର୍ଚ୍ଚାର ବିଷୟ ପାଲଟିଛି।
ଇନ୍ଷ୍ଟ୍ରାଗ୍ରାମରେ ଭିଡିଓକୁ ‘ghantaa’ ନାମକ ଆକାଉଣ୍ଟରେ ଶେୟାର କରାଯାଇଛି। ଇତିମଧ୍ୟରେ ଏହାକୁ ୨୨ ହଜାରରୁ ଅଧିକ ଲାଇକ୍ ମିଳିଛି। କେବଳ ଏତିକି ନୁହେଁ ଲୋକମାନେ ମଧ୍ୟ ବହୁତ ମଜାଳିଆ ମନ୍ତବ୍ୟ ଦେଉଛନ୍ତି। ଜଣେ ବ୍ୟବହାରକାରୀ ଲେଖିଛନ୍ତି ଭଲ ହେଲା ମଦ ନିଶା ଥିଲା, ପ୍ରେମର ହୋଇଥିଲେ ଭାଙ୍ଗି ଯାଇଥାନ୍ତା। ଅନ୍ୟ ଜଣେ ମୁଁ ଯାଉଛି, ମୋତେ କେହି ଛୁଇଁବ ନାହିଁ ବୋଲି ଲେଖିଛନ୍ତି। ସେହିଭଳି ଆଉ ଜଣେ ‘ କେତେ ତେଜସ୍ବୀ ଲୋକ ଅଛନ୍ତି’ ବୋଲି ଲେଖିଛନ୍ତି।