କରୋନା ଭାଇରସ ଯୋଗୁ ଅନେକ ଦେଶରେ ପୁଣିଥରେ ସଂକ୍ରମଣ ବ୍ୟାପିବାରେ ଲାଗିଛି। ତେଣୁ ୟୁରୋପର ଅନେକ ଦେଶ ସାଙ୍ଗକୁ ଇଂଲଣ୍ଡରେ ମଧ୍ୟ ପୁଣିଥରେ ଲକ୍ଡାଉନ୍ ଜାରି କରାଯାଇଛି। ସାରା ବିଶ୍ୱରେ ପ୍ରତିଦିନ ୭ ଲକ୍ଷରୁ ଅଧିକ ଲୋକ କରୋନାରେ ଆକ୍ରାନ୍ତ ହେଉଛନ୍ତି। ବର୍ତ୍ତମାନ ପର୍ଯ୍ୟନ୍ତ ୧୫ ଲକ୍ଷ ଲୋକଙ୍କ ମୃତ୍ୟୁ ହୋଇସାରିଛି। ଇତିମଧ୍ୟରେ ଲୋକମାନେ କରୋନା ସହ ବଞ୍ଚିବା ମଧ୍ୟ ଶିଖି ସାରିଲେଣି। ତେବେ ଭାରତରେ ଅନ୍ଲକ୍ ଚାଲିଛି। ବିବାହ ଏବଂ ଅନେକ କାର୍ଯ୍ୟକ୍ରମ ମଧ୍ୟ ଚାଲୁରହିଛି। ତେବେ ଏହି କାର୍ଯ୍ୟକ୍ରମଗୁଡିକରେ ମାସ୍କ ପିନ୍ଧିବା ଏବଂ ସାମାଜିକ ଦୂରତ୍ୱକୁ ଗୁରୁତ୍ୱ ଦିଆଯାଉଛି। ଏହାରି ମଧ୍ୟରେ ସୋସିଆଲ ମିଡିଆରେ ଏକ ବିବାହ ଉତ୍ସବର ଭିଡିଓ ଭାଇରାଲ ହେବାରେ ଲାଗିଛି। ତେବେ ଏହି ଭିଡିଓକୁ ଦେଖିଲେ ଲାଗିବ କରୋନା ସମୟରେ ବିବାହ ପାଇଁ ଯେପରି ଏକ ନୂଆ ସିିଷ୍ଟମ ଆସିଯାଇଛି। ଭିଡିଓରେ ଦେଖିବାକୁ ମିଳୁଛି ଯେ, କରୋନା ଯୋଗୁ ବିବାହ କାର୍ଯ୍ୟକ୍ରମକୁ ଅଳ୍ପ ଲୋକଙ୍କୁ ନିମନ୍ତ୍ରଣ କରାଯାଇଛି। ଏଥିସହ ଉକ୍ତ ଲୋକଙ୍କୁ ସମ୍ପୂର୍ଣ୍ଣ ଭାବେ ସାନିଟାଇଜ୍ ମଧ୍ୟ କରାଯାଉଛି। ଜଣେ ବ୍ୟକ୍ତି ପିଠିରେ ଏକ ସାନିଟାଇଜର ବାକ୍ସ ଧରି ଲୋକମାନଙ୍କୁ ସାନିଟାଇଜ୍ କରୁଥିବା ଦେଖିବାକୁ ମିଳୁଛି। ଆଇଏଏସ୍ ଅଫିସର ଅବନୀଶ ଶରନ ବିବାହ ସମୟରେ ଏହି ଭିଡିଓକୁ ସୋସିଆଲ ମିଡିଆରେ ଶେୟାର କରିଛନ୍ତି।
