ଛତିଶଗଡ଼ର ଜଣେ ଗୁପ୍ଚୁପ୍ ବିକାଳି କରୋନା ମହାମାରୀ ସମୟରେ ଏମିତି ଏକ ଅଜବ ପଦ୍ଧତି ଆପଣାଇଛନ୍ତି, ଯାହା ଦେଖିଲେ ପ୍ରଶଂସା କରିବେ। ଏହି ଭିଡିଓକୁ ଆଇଏଏସ୍ ଅଫିସର ଅବନୀଶ ଶରଣ ତାଙ୍କ ଟୁଇଟରରେ ଶେୟାର କରିଛନ୍ତି। ଯାହା ଖୁବ୍ ଭାଇରାଲ ହେବାରେ ଲାଗିଛି।
ଷ୍ଟ୍ରିଟ୍ ଫୁଡ୍ ବିଶେଷକରି ଗୁପ୍ଚୁପ୍ ଖାଇବାକୁ ଅଧିକାଂଶ ଲୋକ ପସନ୍ଦ କରିଥାନ୍ତି। ଯେହେତୁ କରୋନା ମହାମାରୀ ଯୋଗୁ ଠେଲାଗାଡ଼ିରେ ବିକ୍ରି କରାଯାଉଥିବା ଖାଦ୍ୟ ନ ଖାଇବା ପାଇଁ ବାରଣ କରାଯାଇଛି। ଏହି ସମୟରେ ଛତିଶଗଡ଼ର ଜଣେ ଗୁପ୍ଚୁପ୍ ବିକାଳି ଏମିତି ଏକ ଅଜବ ଢଙ୍ଗରେ ଗୁପ୍ଚୁପ୍ ବିକୁଛନ୍ତି, ଯାହା ଦେଖିଲେ ପ୍ରଶଂସା କରିବେ। ବିକାଳି ଜଣକ ଦୋକାନରେ ଅଟୋମେଟିକ୍ ଗୁପ୍ଚୁପ୍ ମେଶିନ ଲଗାଇଛନ୍ତି। ଯେଉଁଥିରୁ ଗ୍ରାହକମାନେ ସହଜରେ ଗୁପ୍ଚୁପ୍ର ମଜା ଉଠାଇ ପାରିବେ।
तेलीबांधा रायपुर का ऑटोमैटिक पानीपुरी वाला.
ग़ज़ब का जुगाड़.👍👌 pic.twitter.com/rbEIwFe24l— Awanish Sharan (@AwanishSharan) September 15, 2020
ଅବନୀଶ ଏହି ଭିଡିଓକୁ ଶେୟାର କରିବା ପରେ ଏହାକୁ ଲୋକେ ଖୁବ୍ ପସନ୍ଦ କରୁଛନ୍ତି। ଭିଡିଓରେ ଦେଖିବାକୁ ମିଳିଛି ଗୁପ୍ଚୁପ୍ ବିକାଳି ହାତରେ ଗ୍ଲୋଭ୍ସ ପିନ୍ଧି ଗ୍ରାହକଙ୍କୁ ଗୁପ୍ଚୁପ୍ ଦେଉଛନ୍ତି। ସେହିପରି ମେଶିନରୁ ଗୁପ୍ଚୁପ୍ ଖଟା ପାଣି ନେବାକୁ କହୁଛନ୍ତି। ଗ୍ରାହକମାନେ ମଧ୍ୟ ମନ ମୁତାବକ ପାଣି ନେଇ ମଜାରେ ଖାଉଛନ୍ତି। ତାଙ୍କର ଏହି ସୁନ୍ଦର ଆଇଡିଆ ଦେଖି ଗ୍ରାହକମାନେ ଖୁସିବ୍ୟକ୍ତ କରିଛନ୍ତି। ଏହି ଗୁପ୍ଚୁପ୍ ବିକାଳିଙ୍କ ନାଁ ହେଲା ସ୍ବାମୀ।
ଅବନୀଶ ଏହି ଭିଡିଓ ଶେୟାର କରି କ୍ୟାପ୍ଶନ ଲେଖିଛନ୍ତି, ‘ରାୟପୁରରେ ଅଟୋମେଟିକ୍ ଗୁପ୍ଚୁପ୍ ବିକାଳି, ଅଜବ ପଦ୍ଧତି।
ଭିଡିଓଟିକୁ ସେ ସେପ୍ଟେମ୍ବର ୧୫ରେ ଶେୟାର କରିଥିଲେ। ବର୍ତ୍ତମାନ ସୁଦ୍ଧା ଏହାକୁ ୨୦ ହଜାରରୁ ଅଧିକ ୟୁଜର ଦେଖିସାରିଲେଣି। ୨ ହଜାରରୁ ଅଧିକ ଲୋକ ଲାଇକ୍ କରିଥିବା ବେଳେ ୪୦୦ରୁ ଅଧିକ ରିଟୁଇଟ୍ କରିଛନ୍ତି। ଗୁପ୍ଚୁପ୍ ବିକାଳିଙ୍କ ଏହି ଅଭିନବ ପ୍ରୟାସକୁ ଲୋକେ ପସନ୍ଦ କରିବା ସହ ପ୍ରଶଂସା କରୁଛନ୍ତି।
