ନ୍ୟୁୟର୍କ,୨୦।୧୦: ଆମେରିକାର ନ୍ୟୁୟର୍କରେ ଏକ ଅଜବ ମାମଲା ସାମ୍ନାକୁ ଆସିଛି। ଏଠାରେ ଜଣେ ବ୍ୟକ୍ତିଙ୍କୁ ଚିକେନ ବିରିୟାନି ପସନ୍ଦ ନ ଆସିବାରୁ ସେ ରେଷ୍ଟୁରାଣ୍ଟରେ ନିଆଁ ଲଗାଇଦେଇଛନ୍ତି। ଏହି ଘଟଣା କୁଇନ୍ସ ଅଞ୍ଚଳରେ ଘଟିଛି। ସୂଚନା ପାଇବା ପରେ ପୋଲିସ ଅଭିଯୁକ୍ତ ଚୋଫେଲ ନରବୁଙ୍କୁ (୪୯ ବର୍ଷ) ଗିରଫ କରିଥିଲା। ଅଭିଯୁକ୍ତ ନିଆଁ ଲଗାଇ ଦେଇଥିବା ସ୍ବୀକାର କରିଛି।
ରିପୋର୍ଟ ଅନୁଯାୟୀ, ଅଭିଯୁକ୍ତ ଚୋଫେଲ ନରବୁ ଗୋଟିଏ ଦିନ ପୂର୍ବରୁ କୁଇନ୍ସ ଅଞ୍ଚଳରେ ଅବସ୍ଥିତ ବାଂଲାଦେଶୀ ରେଷ୍ଟୁରାଣ୍ଟରେ ଚିକେନ ବିରିୟାନିଙ୍କୁ ଅର୍ଡର ଦେଇଥିଲେ। କିନ୍ତୁ ଚିକେନ୍ ବିରିୟାନୀ ସେତେଟା ଟେଷ୍ଟି ନ ଥିଲା। ଏଥିରେ ସେ ରାଗିଯାଇଥିଲେ। କିଛି ଘଣ୍ଟା ପରେ ସେ ରାତିରେ ସେହି ରେଷ୍ଟୁରାଣ୍ଟକୁ ପୁଣି ଆସିଥିଲେ। ସେଠାରେ ସେ କିଛି ସମୟ ବାହାରେ ଠିଆ ହୋଇଥିଲେ ଏବଂ ସୁଯୋଗ ପାଇ ପେଟ୍ରୋଲ ଢାଳି ନିଆଁ ଲଗାଇ ଦେଇଥିଲେ। ଗିରଫ ନରବୁ ପୋଲିସକୁ କହିଛି ଯେ ‘ମୁଁ ଅତ୍ୟଧିକ ମଦ୍ୟପାନ କରିଥିଲି, ମୁଁ ଚିକେନ ବିରିୟାନି କିଣିଥିଲି। ସେମାନେ ମୋତେ ଭଲ ଚିକେନ ବିରିୟାନି ଦେଇ ନ ଥିଲେ। ମୁଁ ରାଗରେ ଏହାକୁ ବାହାରକୁ ଫିଙ୍ଗି ଦେଲି। ପରେ ପେଟ୍ରୋଲ କିଣି ଦୋକାନରେ ପକାଇ ନିଆଁ ଲଗାଇ ଦେଇଥିଲି। ପୂରା ଘଟଣା ସିସିଟିଭି କ୍ୟାମେରାରେ କଏଦ ହୋଇଥିଲା। ନ୍ୟୁୟର୍କ ଅଗ୍ନିଶମ ବିଭାଗ ମଧ୍ୟ ଏହାର ଏକ ଭିଡିଓ ଜାରି କରିଛି।