ଲୋକେ ସହଜରେ କୌଣସି ସ୍ଥାନ ବିଷୟରେ ସୂଚନା ପାଇବା ପାଇଁ ଗୁଗଲ୍ ମ୍ୟାପ୍ର ସାହାରା ନେଇଥାନ୍ତି। ବେଳେବେଳେ ଏହି ମ୍ୟାପ୍ ସର୍ଚ୍ଚ କରୁକରୁ କିଛି ଅଦ୍ଭୁତ ଦୃଶ୍ୟ ଦେଖିବାକୁ ମିଳେ। ଯାହା ଦେଖି ଲୋକେ ଭୟଭୀତ ହୋଇଯାଇଥାନ୍ତି। ଏବେ ସୋସିଆଲ ମିଡିଆରେ ସେମିତି ଏକ ଭୟଙ୍କର ଫଟୋ ଦେଖିବାକୁ ମିଳିଛି। ଯାହା ଖୁବ୍ ଭାଇରାଲ ହେଉଛି।
ଜଣେ ବ୍ୟକ୍ତି ଗୁଗଲ୍ ମ୍ୟାପ୍ରେ ଶ୍ମଶାନର ଫଟୋ ସର୍ଚ୍ଚ କରିଥିଲେ। ଶ୍ମଶାନ ପରିସରରେ ନୀଳ ରଙ୍ଗର କିଛି ଜିନିଷ ଦେଖିବାକୁ ପାଇଥିଲେ। ଖାଲି ଏତିକି ନୁହେଁ, ସେହି ନୀଳ ରଙ୍ଗର ଜିନିଷ ନିକଟରେ ହଳଦିଆ ରଙ୍ଗର ଏକ ଛୋଟ ଲାଇଟ୍ ଜଳୁଥିବା ଦେଖିବାକୁ ପାଇଥିଲେ। ଯଦିଓ ଫଟୋ ଟିକେ ଅସ୍ପଷ୍ଟ। ବ୍ୟକ୍ତି ଜଣକ ସୋସିଆଲ ମିଡିଆରେ ଫଟୋ ଶେୟାର କରି କ୍ୟାପଶନରେ ଲେଖିଛନ୍ତି, ଗୁଗଲ୍ ମ୍ୟାପ ଷ୍ଟ୍ରିଟ ଭ୍ୟୁର ଫଟୋ। ତାଙ୍କ ମନକୁ ଖରାପ କରିଦେଇଛି। ସେ ଲେଖିଛନ୍ତି, ଏଥିରେ ନିଶ୍ଚିତ ଭୟାନକ କିଛି ଅଛି।
ଲୋକମାନେ ଭିଡିଓ ଉପରେ ପ୍ରତିକ୍ରିୟା ପ୍ରକାଶ କରିଛନ୍ତି। ଜଣେ ୟୁଜର ଲେଖିଛନ୍ତି, ସେ ଭୂତ ଏବଂ ଆତ୍ମାକୁ କେବେ ଭୟ କରନ୍ତି ନାହିଁ, କିନ୍ତୁ ଏହି ଫଟୋ ଦେଖି ସେ ଆଶ୍ଚର୍ଯ୍ୟ ହୋଇଗଲେ। ଆଉ ଜଣେ ଲେଖିଛନ୍ତି, ଏହା ଅତ୍ୟନ୍ତ ଭୟାନକ, ପୁଣି କବର ପାଖରେ। ସେହିପରି ଅନ୍ୟ ଜଣେ ଲେଖିଛନ୍ତି,ଏହା ଆଶ୍ଚର୍ଯ୍ୟଜନକ, ଏହା କ’ଣ ହୋଇପାରେ? ଆଉ ଜଣେ ୟୁଜର ଏକ ଯୁକ୍ତିଯୁକ୍ତ ମନ୍ତବ୍ୟ ଦେଇଛନ୍ତି। ସେ କହିଛନ୍ତି, ଲେନ୍ସର ଆଲୋକ ଯୋଗୁ ନୀଳ ଛାୟା ପ୍ରକୃତରେ ଏକ ଚିତ୍ର ଅଟେ। କ୍ୟାମେରାର ଲେନ୍ସ ମଇଳା ହୋଇଥିଲେ ଏପରି ଦୃଶ୍ୟ ଦେଖାଯାଏ।
ଅନ୍ୟପକ୍ଷରେ ଗୁଗଲ୍ ମ୍ୟାପ୍ରେ ଏହା ପ୍ରଥମ ଥର ନୁହେଁ, ପୂର୍ବରୁ ଲୋକେ ଏପରି ଅନେକ ଅଜବ ଜିନିଷ ବି ଦେଖିଛନ୍ତି।