ପାଲଲହଡ଼ା, ୨।୧(ଡି.ଏନ୍.ଏ.): ପ୍ରେମ ବ୍ୟାପାରକୁ ନେଇ ଥାନା ସମ୍ମୁଖରେ ଜଣେ ଯୁବକ ଦେହରେ କିରୋସିନ ଢ଼ାଳି ଆତ୍ମାହୁତି ଉଦ୍ୟମ କରିଛନ୍ତି। ଏଭଳି ଘଟଣା ଘଟିଛି ଅନୁଗୋଳ ଜିଲା ପଲଲହଡ଼ା ଥାନା ଅଞ୍ଚଳରେ।
ଏମିତି କାଣ୍ଡ ଘଟାଇଥିବା ଯୁବକ ହେଉଛନ୍ତି ସ୍ଥାନୀୟ ଈଶ୍ୱରନଗର ଗ୍ରାମର ବିଶ୍ୱନାଥ ନାଏକ। ବିଶ୍ୱନାଥ ଶନିବାର ସକାଳ ୧୧ଟାରେ ଡାକ୍ତରଖାନା ରାସ୍ତାରେ ନିଜ ଦେହରେ କିରାସିନି ଢାଳି ଦୌଡ଼ି ଦୌଡ଼ି ଥାନା ସମ୍ମୁଖରେ ପହଞ୍ଚିଥିଲେ। କେହି କିଛି ବୁଝିବା ପୂର୍ବରୁ ବିଶ୍ୱଜିତ ନିଜ ଦେହରେ ଦିଆସିଲି ମାରି ନିଆଁ ଲଗାଇ ଦେଇଥିଲେ। ଏହା ଦେଖି ସଙ୍ଗେ ସଙ୍ଗେ ପୋଲିସ କର୍ମଚାରୀମାନେ ନିଆଁ ଲିଭାଇବା ସହ ବିଶ୍ୱଜିତଙ୍କୁ ଗୁରୁତର ଅବସ୍ଥାରେ ଉଦ୍ଧାର କରି ଡାକ୍ତରଖାନାରେ ଭର୍ତ୍ତି କରିଥିଲେ।
ମିଳିଥିବା ସୂଚନା ଅନୁଯାୟୀ, ବିଶ୍ୱନାଥ ଜଣେ ଝିଅ ସହ ଦୀର୍ଘଦିନରୁ ପ୍ରେମ ସମ୍ପର୍କରେ ଥିଲେ। କୌଣସି କାରଣରୁ ଉକ୍ତ ଯୁବତୀଙ୍କ ସହ ମନମାଳିନ ହେବାରୁ ଯୁବତୀଙ୍କ ପରିବାର ପକ୍ଷ ଉଭୟଙ୍କ ପ୍ରେମକୁ ବିରୋଧ କରାଥିଲେ। ଫଳରେ ବିଶ୍ୱନାଥ ଅନ୍ୟ କୌଣସି ଉପାୟ ନ ପାଇ ଆତ୍ମାହୁତି ଉଦ୍ୟମ କରିଥିବା କୁହାଯାଉଛି। ଅନ୍ୟପଟେ ବିଶ୍ୱନାଥଙ୍କ ମାନସିକ ଅବସ୍ଥା ଠିକ୍ ନ ଥିବା ଡାକ୍ତର ରିପୋର୍ଟ ଦେଇଥିବାବେଳେ ପୋଲିସ ଏକ ଷ୍ଟେଶନ ଡାଇରୀ କରି ଘଟଣାର ତଦନ୍ତ ଆରମ୍ଭ କରିଥିବା ଥାନା ଅଧିକାରୀ କିଶୋର କୁମାର ସାମଲ ସୂଚନା ଦେଇଛନ୍ତି I