ଡିସ୍କଭରି ଚ୍ୟାନେଲର ଚର୍ଚ୍ଚିତ ଶୋ’ ମଧ୍ୟରୁ ‘ମ୍ୟାନ୍ ଭର୍ସେସ ଓ୍ବାଇଲ୍ଡ’ ଅନ୍ୟତମ। ନିକଟରେ ଏହି ଶୋ’ରେ ନଜର ଆସିଥିଲେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି। ହୋଷ୍ଟ ବେୟର ଗ୍ରିଲ୍ସ ଭାରତର ଉତ୍ତରାଖଣ୍ଡର ଜିମ କାର୍ବେଟ୍ ପାର୍କରେ ଉକ୍ତ ସ୍ବତନ୍ତ୍ର ଏପିସୋଡ୍ର ଶୁଟିଂ କରିଥିଲେ। ଏହା ପ୍ରସାରିତ ହେବା ପରେ ରେକର୍ଡ କରିଥିଲା। ଏବେ ଗିଲ୍ସ ନିଜର ଟୁଇଟର ଆକାଉଣ୍ଟରେ ମୋଦିଙ୍କ ସହ ନିଜର ପୁରୁଣା ଫଟୋ ଶେୟାର କରିଛନ୍ତି। ସେ କହିଛନ୍ତି, ଏହା ମୋ ପସନ୍ଦର ଫଟୋ ମଧ୍ୟରୁ ଗୋଟିଏ। ଜଙ୍ଗଲରେ ଆଡ୍ଭେଞ୍ଚର ପରେ ଓଦା ହୋଇ ମୋଦିଙ୍କ ସହ ଚାହା ପିଇବା ସ୍ମରଣୀୟ ଥିଲା। ଏହି କ୍ଷଣ ନିଜ ମାସ୍କ ଏବଂ ନାମ ପଛରେ ଆମେ ସମସ୍ତେ ଏକ ଭଳି ବୋଲି ମନେ ପକାଇଦିଏ। ଗିଲ୍ସଙ୍କ ଏହି ଫଟୋକୁ ବେଶ୍ ପସନ୍ଦ କରାଯାଉଥିବା ବେଳେ ଲୋକମାନେ ଭଳିକି ଭଳି ପ୍ରତିକ୍ରିୟା ଦେଉଛନ୍ତି।
ରୋମାଞ୍ଚକର ଅନୁଭୂତିକୁ ନେଇ ପରିଚିତ ଗିଲ୍ସ ଭାରତକୁ ଭୁଲି ପାରିନାହାନ୍ତି। ସେ ୧୮ ବର୍ଷ ବୟସରେ ଭାରତ ଆସିଥିଲେ। ଏହାପରେ ତାଙ୍କୁ ଯେବେ ବି ସୁଯୋଗ ମିଳେ ସେ ଭାରତ ଆସିଥାନ୍ତି। ଭାରତୀୟମାନଙ୍କ ଆତ୍ମିୟତା ତାଙ୍କୁ ବିଭୋର କରେ ବୋଲି ସେ କୁହନ୍ତି। ତେବେ କିଛି ମାସ ପୂର୍ବେ ସୁପରଷ୍ଟାର ରଜନୀକାନ୍ତ ଗିଲ୍ସଙ୍କ ଶୋ’ରେ ପହଞ୍ଚିଥିଲେ। ୭୦ ବର୍ଷ ବୟସରେ ରଜନୀକାନ୍ତଙ୍କ ଆଡ୍ଭେଞ୍ଚର ଗିଲ୍ସଙ୍କୁ ଚକିତ କରିଥିଲା।
One of my favourite photos: soaking wet and sharing a cup of tea with Prime Minister Modi after our @Discovery jungle adventure together. This moment reminds me of how the wild is the ultimate leveller. We are all the same behind the titles and masks. #adventureunitesus pic.twitter.com/9EQPAeUOLO
— Bear Grylls (@BearGrylls) February 5, 2021
