ଇମ୍ଫାଲ,୨୦ ।୧୨: ମଣିପୁରର ଅତିରିକ୍ତ ପୋଲିସ ଅଧିକାରୀ(ଏଏସ୍ପି) ଥୋନାଓଜମ ବୃନ୍ଦା ଏକ ଡ୍ରଗ୍ସ ମାମଲାରେ କୋର୍ଟଙ୍କ ରାୟ ପରେ ନିଜର ମୁଖ୍ୟମନ୍ତ୍ରୀ ବୀରତା ପୁରସ୍କାର ଫେରାଇ ଦେଇଥିବା ଜଣାପଡିଛି । ଏହି ମାମଲାରେ ୭ ଜଣଙ୍କ ବିରୋଧରେ ମାମଲା ହୋଇଥିଲା । ତେବେ ଉକ୍ତ ପୋଲିସ ଅଧିକାରୀ ଏହି ମାମଲାର ଯାଞ୍ଚ କରିଥିବାରୁ ତାଙ୍କୁ ବୀରତା ପୁରସ୍କାର ଦିଆଯାଇଥିଲା । ହେଲେ କୋର୍ଟ ଏବେ ସମସ୍ତ ଅପରାଧିଙ୍କୁ ଦୋଷ ମୁକ୍ତ କରି ଦେଇଥିବାରୁ ସେ ତାଙ୍କ ବୀରତା ପୁରସ୍କାର ଫେରାଇ ଦେଇଥିବା ମୁଖ୍ୟମନ୍ତ୍ରୀଙ୍କୁ ଲିଖିତ ଆକାରରେ ଜଣାଇଛନ୍ତି । ସୂଚନାଯୋଗ୍ୟ, ବୃନ୍ଦାଙ୍କୁ ମାଦକ ପଦାର୍ଥ ବିରୋଧରେ ରାଜ୍ୟ ସରକାରଙ୍କ ଲଢେଇରେ ବଡ ଯୋଗଦାନ ଥିବାରୁ ଦେଶଭକ୍ତ ଦିବସ ଅବସରରେ ୧୩ ଅଗଷ୍ଟ ୨୦୧୩ରେ ମୁଖ୍ୟମନ୍ତ୍ରୀ ପୋଲିସ ପଦକ ଦିଆଯାଇଥିଲା ।