ଇମ୍ଫାଲ,୨୮ ।୨: ମଣିପୁର ବିଧାନସଭା ନିର୍ବାଚନର ପ୍ରଥମ ପର୍ଯ୍ୟାୟ ଭୋଟ ଗ୍ରହଣ ସୋମାବାର ସକାଳୁ ଆରମ୍ଭ ହୋଇଛି । ଏହି ପର୍ଯ୍ୟାୟରେ ମୋଟ ୬୦ ବିଧାନସଭା ଆସନ ମଧ୍ୟରୁ ୩୮ ଆସନ ଲାଗି ଭୋଟ ଗ୍ରହଣ କରାଯାଉଛି । ଏଥିମଧ୍ୟରୁ ୨୯ଟି ଆସନ ପଶ୍ଚିମ ଇମ୍ଫାଲ, ପୂର୍ବ ଇମ୍ଫାଲ ଓ ବିଶନପୁର ଜିଲାର ରହିଛି । ବାକି ୯ଟି ଆସନ କାଂଗପେକପି ଓ ଚୁରାଚାନ୍ଦପୁରର ପାହାଡି ଜିଲାର । ପ୍ରଥମ ପର୍ଯ୍ୟାୟ ମତଦାନରେ ୧୭୩ ପ୍ରାର୍ଥୀଙ୍କର ଭାଗ୍ୟ ପରୀକ୍ଷା କରାଯିବ । ଏମାନଙ୍କ ମଧ୍ୟରେ ୧୫ ମହିଳା ପ୍ରାର୍ଥୀ ରହିଛନ୍ତି । ଦ୍ୱିତୀୟ ପର୍ଯ୍ୟାୟ ମତଦାନ ମାର୍ଚ୍ଚ ୫ରେ ହେବ ।