ଇମ୍ଫାଲ,୫।୮: ଉତ୍ତର-ପୂର୍ବ ରାଜ୍ୟ ମଣିପୁରରେ ଜାତି-ବିବାଦ ମଧ୍ୟରେ ହିଂସା ବନ୍ଦ ହେବାର ନାମ ନେଉନାହିଁ। ଶୁକ୍ରବାର ବିଳମ୍ବିତ ରାତିରେ ବିଷ୍ଣୁପୁର ଜିଲାରେ ହିଂସା ଘଟଣାରେ ଅତି କମରେ ତିନି ଜଣଙ୍କର ମୃତ୍ୟୁ ଘଟିଛି।
ଅଧିକାରୀଙ୍କ କହିବାନୁସାରେ, ମୃତ ବ୍ୟକ୍ତି କ୍ୱାକଟା ଅଞ୍ଚଳର ମୈତେଇ ସମ୍ପ୍ରଦାୟର। ଏହି ଘଟଣାରେ ହତ୍ୟା ବ୍ୟତୀତ କୁକି ସମ୍ପ୍ରଦାୟର ଅନେକ ଘର ପୋଡି ଦିଆଯାଇଛି।
ଗୁରୁବାର ମଣିପୁରର ବିଷ୍ଣୁପୁର ଚିଲାର ମୈତେଇ ସମ୍ପ୍ରଦାୟର ସଶସ୍ତ୍ର ବାହିନୀ ଏବଂ ବିକ୍ଷୋଭକାରୀଙ୍କ ସଂଘର୍ଷ ମଧ୍ୟରେ ୧୭ ଜଣ ଆହତ ହେବାର ଦୁଇ ଦିନ ପରେ ଏହି ଘଟଣା ଘଟିଛି। ଏହି ଘଟଣା ପରେ ଇମ୍ଫାଲ ପୂର୍ବ ଏବଂ ଇମ୍ଫାଲ ପଶ୍ଚିମ କର୍ତ୍ତୃପକ୍ଷ ଏହି ଅଞ୍ଚଳରେ ଆଇନ ଶୃଙ୍ଖଳା ବଜାୟ ରଖିବା ପାଇଁ ପୂର୍ବରୁ ଘୋଷଣା କରାଯାଇଥିବା କର୍ଫ୍ୟୁ ଆଶ୍ୱସ୍ତିକୁ ପ୍ରତ୍ୟାହାର କରି ନେଇଥିଲେ। ସତର୍କତାମୂଳକ ପଦକ୍ଷେପ ଭାବରେ ଦିନିକିଆ କର୍ଫ୍ୟୁକୁ ମଧ୍ୟ ପୁନଃସ୍ଥାପିତ କରାଯାଇଛି।
