ନୂଆଦିଲ୍ଲୀ,୨୬।୬: ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ୫ ଦିବସୀୟ ବିଦେଶ ଗସ୍ତରୁ ଫେରିବା ପରେ କେନ୍ଦ୍ର ସ୍ବରାଷ୍ଟ୍ର ମନ୍ତ୍ରୀ ଅମିତ ଶାହା ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କୁ ଭେଟିଛନ୍ତି। ଅମିତ ଶାହା ମଣିପୁରର ସ୍ଥିତି ସମ୍ପର୍କରେ ପ୍ରଧାନମନ୍ତ୍ରୀ ମୋଦିଙ୍କୁ ସୂଚନା ଦେଇଛନ୍ତି, ଯାହାକୁ ନେଇ କଂଗ୍ରେସ ସଭାପତି ମଲ୍ଲିକାର୍ଜୁନ ଖାଗେର୍ର୍ ପ୍ରତିକ୍ରିୟା ରଖିଛନ୍ତି। ଖାର୍ଗେ କହିଛନ୍ତି, ପ୍ରଧାନମନ୍ତ୍ରୀ ମୋଦି ମଣିପୁରରେ ୫୫ ଦିନରୁ କୌଣସି ଶବ୍ଦ କହିନାହାଁନ୍ତି। ଏହା ସହିତ କଂଗ୍ରେସ ନେତା ମଧ୍ୟ ପ୍ରଧାନମନ୍ତ୍ରୀ ମୋଦିଙ୍କୁ ୫ଟିି ଦାବି କରିଛନ୍ତି, ଯେଉଁଥିରେ ମୁଖ୍ୟମନ୍ତ୍ରୀଙ୍କ ବହିଷ୍କାର ସାମିଲ ରହିଛି।
ମଲ୍ଲିକାର୍ଜୁନ ଖାଗେର୍ର୍ ଟୁଇଟ କରି ଲେଖିଛନ୍ତି, ଏଭଳି ଖବର ଚାଲିଛି ଯେ ଶେଷରେ ସ୍ବରାଷ୍ଟ୍ର ମନ୍ତ୍ରୀ ମଣିପୁରରେ ପ୍ରଧାନମନ୍ତ୍ରୀ ମୋଦିଙ୍କ ସହ କଥା ହୋଇଛନ୍ତି। ଗତ ୫୫ଦିନ ଧରି ମୋଦି ଜୀ ମଣିପୁର ଉପରେ କିଛି ଶବ୍ଦ କହିନାହାଁନ୍ତି। ତାଙ୍କର ମଣିପୁର କି ବାତ୍ ଶୁଣିବାକୁ ସାରା ଦେଶ ଅପେକ୍ଷା କରିଛି। ତେବେ ତାଙ୍କର ୫ଟି ଦାବିଗୁଡିକ ହେଲା-
– ଯଦି ମୋଦି ଜୀ ପ୍ରକୃତରେ ମଣିପୁର ବିଷୟରେ କିଛି ଭାବନ୍ତି, ତେବେ ସର୍ବପ୍ରଥମେ ସେ ତାଙ୍କ ମୁଖ୍ୟମନ୍ତ୍ରୀଙ୍କୁ ବରଖାସ୍ତ କରିବା ଉଚିତ୍।
– ଉଗ୍ରବାଦୀ ସଂଗଠନ ଏବଂ ଅସାମାଜିକ ତତ୍ତ୍ୱରୁ ଚୋରି ହୋଇଥିବା ଅସ୍ତ୍ରଶସ୍ତ୍ର ଜବତ କରାଯାଉ।
– ସମସ୍ତ ଦଳ ସହିତ ଆଲୋଚନା ଆରମ୍ଭ କରନ୍ତୁ ଏବଂ ଏକ ସାଧାରଣ ରାଜନୈତିକ ରାସ୍ତା ଖୋଲିଜିବ।
– ସୁରକ୍ଷା ବାହିନୀ ସହାୟତାରେ ଅବରୋଧ ଶେଷ କରନ୍ତୁ। ଜାତୀୟ ରାଜପଥକୁ ଖୋଲା ଏବଂ ସୁରକ୍ଷିତ ରଖି ଅତ୍ୟାବଶ୍ୟକ ଦ୍ରବ୍ୟର ଉପଲବ୍ଧତା ନିଶ୍ଚିତ କରନ୍ତୁ।
– ପ୍ରଭାବିତ ଲୋକଙ୍କ ପାଇଁ ରିଲିଫ, ପୁନର୍ବାସ ଏବଂ ଜୀବିକା ପାଇଁ ଏକ ପ୍ୟାକେଜ ବିଳମ୍ବ ନ କରି ପ୍ରସ୍ତୁତ କରାଯିବା ଉଚିତ୍। ଘୋଷିତ ରିଲିଫ ପ୍ୟାକେଜ ପର୍ଯ୍ୟାପ୍ତ ନୁହେଁ ।