ବମ୍ବେ: ବ୍ୟକ୍ତିଗତ ଜୀବନକୁ ନେଇ ଚର୍ଚ୍ଚାରେ ଟେଲି ଅଭିନେତା ମନିଷ ନାଗଦେବ। ଖୁବ୍ଶୀଘ୍ର ସେ ପ୍ରେମିକା ମଲିକା ଜୁନେଜାଙ୍କ ସହ ଆଉ ପାଦେ ଆଗକୁ ବଢ଼ିବେ। ଜୁନ ୮ରେ ଏହି ଯୋଡ଼ି ଗୋଆରେ ନିର୍ବନ୍ଧ କରିବାକୁ ଯାଉଛନ୍ତି। ଏଥିପାଇଁ ସରିଛି ସମସ୍ତ ପ୍ରସ୍ତୁତି। ପରେ ସେପ୍ଟେମ୍ବରରେ ଉଭୟ କେବଳ ପରିବାରଲୋକଙ୍କ ଉପସ୍ଥିତିରେ ବିବାହ କରିବାକୁ ଯୋଜନା କରିଥିବା ଜଣାପଡ଼ିଛି।
‘ଉଡାନ୍, ବେଗୁସରାୟ, ବନୁ ମୈ ତେରି ଦୁଲହନ୍’ ଭଳି ଶୋ’ରେ ଭାଗ ନେଇଥିବା ମନିଷ କହିଛନ୍ତି, ସେ ଏବଂ ମଲିକା ଗତ ବର୍ଷ ବିବାହ କରିବାକୁ ଚିନ୍ତା କରିଥିଲେ। ହେଲେ କରୋନା ଭୟରେ ଏହା ସ୍ଥଗିତ ରହିଥିଲା। ଏବେ ତାଙ୍କ ବିବାହ ଭବ୍ୟ ସମାରୋହ ହେବ ନାହିଁ। ଏହା ଏକ ସାଧାରଣ ବିବାହ ହେବ। ଆବଶ୍ୟକ ପଡ଼ିଲେ ଦୁହେଁ କୋର୍ଟରେ ବିବାହ କରିପାରନ୍ତି।