ନୂଆଦିଲ୍ଲୀ,୭।୪: ଦିଲ୍ଲୀ ମଦ ଦୁର୍ନୀତି ମାମଲାରେ ଜେଲରେ ଥିବା ପୂର୍ବତନ ମୁଖ୍ୟମନ୍ତ୍ରୀ ତଥା ଏଏପି ନେତା ମନୀଷ ସିସୋଡିଆ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ପାଠପଢା ଡିଗ୍ରୀକୁ ନେଇ ପ୍ରଶ୍ନ ଉଠାଇଛନ୍ତି। ତିହାର ଜେଲରେ ଥାଇ ସିସୋଡିଆ ଦେଶ ପାଇଁ ଏକ ଚିଠି ଲେଖିଛନ୍ତି। ଯେଉଁଥିରେ ଲେଖାଅଛି କି, ପ୍ରଧାନମନ୍ତ୍ରୀ ନରେନ୍ଦ୍ର ମୋଦି କମ୍ ପଢିଛନ୍ତି, ଯାହା ଦେଶ ପାଇଁ ବିପଦଜ୍ଜନକ । ମୋଦି ଜୀ ଶିକ୍ଷାର ମହତ୍ତ୍ୱ କ’ଣ ବୁଝିନାହାନ୍ତି। ଦେଶର ପ୍ରଗତି ପାଇଁ ପ୍ରଧାନମନ୍ତ୍ରୀଙ୍କୁ ଶିକ୍ଷିତ ହେବା ଆବଶ୍ୟକ ବୋଲି ସିସୋଡିଆ ଚିଠିରେ ଉଲ୍ଲେଖ କରିଛନ୍ତି।
ସିସୋଡିଆ ଆହୁରି ଲେଖିଛନ୍ତି, ଆଜି ଦେଶର ଯୁବକମାନେ ଉଚ୍ଚାଭିଳାଷୀ, ସେ କିଛି କରିବାକୁ ଚାହୁଁଛନ୍ତି ଏବଂ ସେ ସୁଯୋଗ ଖୋଜୁଛନ୍ତି। ବିଜ୍ଞାନ ଏବଂ ପ୍ରଯୁକ୍ତିବିଦ୍ୟା କ୍ଷେତ୍ରରେ ଦେଶକୁ ଆଗକୁ ବଢାଇବାକୁ ଚାହୁଁଛନ୍ତି। ଆଜିର ଯୁବବର୍ଗଙ୍କ ସ୍ବପ୍ନକୁ ପୂରଣ କରିବା ପାଇଁ କମ୍ ପଢିଥିବା ପ୍ରଧାନମନ୍ତ୍ରୀଙ୍କ ପାଖରେ କ୍ଷମତା ଅଛି କି? କିଛି ବର୍ଷ ମଧ୍ୟରେ ଦେଶରେ ୮୦ ହଜାର ସରକାରୀ ବିଦ୍ୟାଳୟ କାହିଁକି ବନ୍ଦ ହେଲା? ଗୋଟିଏ ପଟେ ଦେଶର ଜନସଂଖ୍ୟା ବଢୁଛି, ତେଣୁ ସରକାରୀ ବିଦ୍ୟାଳୟ ସଂଖ୍ୟା ମଧ୍ୟ ବୃଦ୍ଧି ହେବା ଉଚିତ୍।
Jailed former Delhi deputy CM Manish Sisodia writes to PM Modi, raises questions on his education.
“For the progress of India, it is necessary to have an educated PM,” Sisodia writes in his letter to the PM. pic.twitter.com/yV7peRjns3
— ANI (@ANI) April 7, 2023
