ନୂଆଦିଲ୍ଲୀ,୧୪ ।୧୦: କଂଗ୍ରେସ ଅଧ୍ୟକ୍ଷ ପଦ ପାଇଁ ହେବାକୁ ଯାଉଥିବା ନିର୍ବାଚନରେ ପ୍ରାର୍ଥୀ ହୋଇଥିବା ବରିଷ୍ଠ ନେତା ମଲ୍ଲିକାର୍ଜୁନ ଖର୍ଗେଙ୍କୁ ଅନେକ ନେତାଙ୍କର ସମର୍ଥନ ରହିଥିବା ଦେଖାଗଲାଣି । ଏବେ କଂଗ୍ରେସ ନେତା ମନିଷ ତିୱାରି ବି ତାଙ୍କ ଉପରେ ଭରସା କରି କହିଛନ୍ତି, ଦଳକୁ ଏକ ‘ସେଫ ପେୟାର ଅଫ ହ୍ୟାଣ୍ଡସ’ ବା ଏମିତି ହାତର ଆବଶ୍ୟକତା ରହିଛି ଯିଏ ଦଳକୁ ସମ୍ଭାଳି ପାରିବ । ସେ ଆହୁରି ମଧ୍ୟ କହିଛନ୍ତି ଖର୍ଗେଙ୍କ ଭଳି ଦଳକୁ ଏକ ନେତାଙ୍କର ଆବଶ୍ୟକତା ରହିଛି, ଯିଏ ଦଳର ଅଧ୍ୟକ୍ଷ ଭାବେ ସ୍ଥିରତା ପ୍ରଦାନ କରିପାରିବେ ।
ସୂଚନାଯୋଗ୍ୟ, କଂଗ୍ରେସ ନେତା ମନିଷ ତିୱାରି ୩୦ ସେପ୍ଟେମ୍ବରରେ ଖର୍ଗେଙ୍କ ପ୍ରସ୍ତାବକଙ୍କ ମଧ୍ୟରୁ ଜଣେ ଥିଲେ । ସେ କହିଛନ୍ତି ଯଦି ସମସ୍ତ ତଥ୍ୟକୁ ନେଇ ବିଚାର କରାଯାଏ ଓ ନିଷ୍ପକ୍ଷ ମୂଲ୍ୟାୟନ କରାଯାଏ, ତେବେ ମଲ୍ଲିକାର୍ଜୁନ ଖର୍ଗେ ତାଙ୍କ ଜୀବନର ୫୦ ବର୍ଷରୁ ଅଧିକ ସମୟ କଂଗ୍ରେସର ସେବାରେ ସର୍ମିତ କରିଛନ୍ତି । ଏପଟେ ଦଳକୁ ବି ଏକ ସୁରକ୍ଷିତ ହାତର ଆବଶ୍ୟତା ରହିଛି । ଖର୍ଗେ ବହୁ ସମୟ ଦଳରେ କଟାଇଛନ୍ତି ଓ ସବୁଠାରୁ ଛୋଟ ପଦବୀରୁ ଆଜି ଏହିଠାରେ ପହଞ୍ଚିଛନ୍ତି ।